潭冈村紫花风铃园圃只有一个山头，可以直接上到山顶再慢慢搵景

蒲葵园面积好大，可以行2-3个钟，下午2点之后去光线最好睇！

　　如果你觉得喺广州未玩够，时间、假期又充足，可以驱车前往附近的城市。最近江门的紫风铃就正逢盛开时，粉紫色的花簇，无论远睇近睇都十分梦幻，足以媲美樱花！想要梦幻的童话仙境，也不一定只能是樱花啊！

　　

　　姚舜瑜/文、图

　　

　　

　　SITE

　　江门

　　

　　颜值爆表浪漫紫花　　　　

　　紫花风铃木又称紫绣球，原产巴西、巴拉圭、阿根廷等中南美洲国家同地区，每年11月开始落叶，1月底开始开花，花期一般有3个月左右。江门嘅紫风铃花海有两个地方，都唔算係景区，但因为紫花风铃的缘故，每日都可以吸引上千人游览。一个係新会山头坪嘅绿美生态园，规模比较大，花海里面有唔少配合大家影相嘅摆设台凳，加上弯曲山路航拍会好震撼。另一个係新会罗坑镇潭冈村嘅林场，规模相对较小，不过对于郊游影相已经好足够。其实两边都啲紫花风铃园圃，门票只需30元，约等于买咗一棵树苗，就可以喺里面游玩影相。

　　园区里面有大约2000棵紫花风铃，盛开时一团团一簇簇开满枝头，高处望出去就好似一片紫花海洋。花开得高，大家影相都有妙计，唔少人直接搬上五步梯，就可以影到俾花团围绕嘅感觉。近睇花朵形状都好精致，吸引咗唔少“老法师”过来烧快门斋影花。旁边仲有一个湖风景唔错，如果唔怕辛苦可以行山路过去。

　　

　　绿美生态园

　　地址：广东省江门市新会区大泽镇莲塘村

　　门票：30元/人

　　

　　

　　

　　蒲葵之乡　　

　　除咗花之外，新会都喺蒲葵之乡，蒲葵嘅种植同加工，都是新会重要的产业，葵叶可以做扇子、帽子、筐子，树干可做缆绳、床垫，我哋从细到大用过嘅葵扇就係出自新会。蒲葵园是我国现存规模最大的葵树林，占地面积1500亩，也是唯一一个葵林，拥有上百年历史的葵树林，错落密布。蒲葵园里面树木十分罕见，壮观嘅参天举树真係肉眼可以睇到嘅历史，公园里面静谧如画，休闲散步好舒适。

　　园区里面仲有乘船体验，用嘅都係古朴嘅人工撑船，可以感受一下宁静氛围，阳光照射错落密布葵树形成了光与影的世界，加上林中仲会随机放烟雾，整个蒲葵园瞬间变仙境。蒲葵园外仲有水杉林包围，行上堤坝环岛，吹下江风散散步都好叹。

　　

　　蒲葵园

　　地址：广东省江门市新会区南坦葵林生态湿地公园