一颗颗草莓冰

桃气桃子形状雪糕

花瓣形状奥利奥雪糕

芒芒甘露冰棒

奶茶波波冰棒

多肉葡萄冰棒

玫瑰荔枝味

多肉西柚味

五羊雪糕新口味

伊利苦咖啡雪糕

巧乐兹姜撞奶加蜜桃乌龙味

德芙雪糕

冰工厂山楂爽冰棍

　　太阳日日追住屁股晒，头顶热到可以“煎鸡蛋”，对于为食猫嚟讲，最好就係买条雪条解下暑。唔睇唔知，而家啲雪糕款式多、牌子多、味道多，想揾返旧时热门雪糕小布丁、五羊、阿波罗......反而要畀啲耐性行多几间店。花多眼乱唔知边款雪糕性价比高？想随便买嚟解暑，抑或谂住影相po上社交网站呃like，都好掂嘎！嚟，一齐试试今年大热嘅网红雪糕啦！

　　

　　

　　实习生 许家铃/文

　　品牌提供、品牌官网、实习生 许家铃/图

　　

　　

　　

　　茶味变身 爽过冷饮

　　

　　香草味、朱古力味、草莓味、抹茶味雪糕你就成日食，係时候转下新口味啦！饮奶茶、果茶会上瘾？呢个夏天，茶饮齐齐变身做雪糕，食起身更加冰爽！

　　讲起茶饮，选择好多，但波波奶茶绝对是“大众情人”，个个都钟意！喜茶一连出咗几款同佢热销茶饮味道相近嘅雪糕，多肉葡萄、奶茶波波、芒芒甘露，啖啖有惊喜。多肉葡萄最值得一试，咬落茶色外层带着绿妍的茶味，慢慢回甘并夹杂着茉莉花香，里面还有多肉葡萄冰淇淋和大块葡萄果肉！你仲喜欢多肉西柚、玫瑰荔枝味？喜茶冇推，但其他品牌有！

　　

　　盛夏之下，佢哋变身雪条，容易融化？我哋都可以换下食法，例如雪条夹面包，或者等它变翻一杯饮料出嚟？玩法真系翻转再翻转。

　　

　　

　　

　　

　　千姿百态 影相一流

　　

　　明星要出位要靓，雪糕都一样！除咗各大平台争相报道嘅景点雪糕之外，仲有好多网红雪糕喺今个夏天跑出。

　　之前唔知“蜜哈多”呢个品牌？今年你会喺几乎任一家便利店嘅冰柜，都会见到佢嘅草莓冰冰和白桃冰冰。好多网友仲将呢两款雪糕和饮品结合，一袋入面有10粒细细粒草莓形状或者桃仔形状嘅可爱冰，搭配汽水或者云顶饮品，造型一流，唔算最抵食，但一定算得上最抵影。

　　

　　仲有呢款同生果水蜜桃差唔多size但脆脆嘅外表包着香草味雪糕嘅“桃气”，又睇得又食得，价格又够靓仔——十蚊有找。

　　三明治嘅包你就食得多，三文治形状嘅奥利奥雪糕唔知你食过未？“奥利奥花”喺今个夏天都好受欢迎，奶香味搭配奥利奥饼干碎，花瓣形状，值得入手解锁夏天！

　　

　　

　　

　　童年回忆 出新口味

　　

　　

　　小时候成日食嘅雪糕品牌，例如伊利小布丁、五羊甜筒、三色杯等，近两年都唔执殳，推出唔少新口味，令我哋嘅童年回忆又翻新了！

　　五羊雪糕可以话係5G冲浪选手，紧跟潮流推出芝士乌龙茶味道，味道不过不失，但係就不及芒果西柚味和巧克力咖啡味受欢迎，芒果西柚清新水果口味酸酸甜甜，巧克力和咖啡融合，令到朱古力味道升级，口感飙升几个档位。

　　

　　伊利品牌推出嘅苦咖啡雪糕，唔知係咪同小布丁搭成“黑白配”呢？对于钟意饮斋啡嘅人，呢个味道就稍微逊色一啲啦！

　　最近去便利店，你会见到货架上和冰柜里都有德芙产品，唔通係怕朱古力热到融，所以要放冰柜？原来佢都出咗雪糕！包装同德芙朱古力好似样，外面一层係香滑的朱古力，里面係香草味的雪糕，简直就是高冷（高配冷冻）版的德芙朱古力。