纪录片《中国纸的故事》提及广州造纸厂

出土手铐

出土铁炮

出土子弹壳

曾经的工业大道

五羊自行车厂现状

纸厂现状-旧烟囱

　　前段时间，剧作《人世间》口碑炸裂，因为佢将中国人民骨子里面嘅韧劲，演绎得透透彻彻。上世纪五十年代，“咱们工人有力量”，男主角“周秉昆”由木材工转换成大厂车间工人，一路走过亦见证住工业嘅发展、社会的进步……喺我哋广州南石头片区，也记载咗很多“工业年代”留下嘅印记，今期Color就同大家一起翻开呢本工业“石头记”。

　　

　　郭玮/文 陈沅滢 、网络综合整理/图

　　

　　

　　重游辉煌依稀可见

　　

　　

　　相传，“南石头”係因五羊传说遗留嘅稻穗而得名嘅。而更有意义嘅係，“南石头”还是广州工业历史见证者。当年的南石头片区涌现出好多“全国之最”“华南之最”：广州造纸厂、广州味精食品厂、广州造船厂、广州农药厂等等大中型工业企业，因此呢度渐渐发展成“工业大道”。呢啲厂房见证咗广州工业嘅发展历史，亦係国家同城市发展时期，好多技术工人挥洒过青春嘅地方。广州造纸厂旧址，依然保留有挑高设计嘅旧厂房车间，仲有见证纸厂鼎盛到衰落嘅大烟囱，变色剥落嘅墙身，如今看似冷冰冰嘅钢架铁栏，都印记着佢曾经嘅繁盛工业痕迹，依稀可见当时嘅辉煌。

　　

　　

　　考古见证先烈奋斗

　　

　　3月底，广州文物考古研究院，喺海珠区南石头路28号地块，清理出咗清代嘅炮台，同埋民国时期嘅南石头监狱等重要遗存……“南石头”除咗记录广州人拼搏实干嘅工业精神之外，仲记载住中国共产党砥砺前行，为光明斗争嘅感人事迹。

　　建立于清朝嘅镇南炮台，曾经係虎门口岸至广州城之间，重要嘅一道防线，后来被改建，成为历史上的“南石头监狱”，係当时用来镇压共产党人，同革命群众嘅地方。南石头监狱遗址係广州重要嘅红色革命史迹，对于研究中国共产党历史具有非凡意义。考古挖出嘅子弹壳、铁镣、手铐等等遗物，鲜活认证咗当时先烈为革命胜利所做的贡献。考古研究院专家介绍，未来除咗会继续利用呢度嘅资源做考古勘探同研究之外，仲有可能会向群众开放，将呢度打造成红色教育嘅“大课堂”，让更多新生代年轻人关注历史、铭记历史，用先烈嘅精神激励自己，奋力书写社会发展嘅新篇章。

　　

　　

　　改造焕发商业价值

　　

　　

　　改革开放后，南石头监狱曾被改造成广州第一自行车厂，曾经风靡一时嘅五羊自行车、五羊摩托车就喺从呢度生产出嚟嘅。曾经嘅风光已经人去楼空，清拆后嘅片区已腾空作考古研究之用，大家努力从砖瓦残垣中寻找记忆……2008年，广州市提出“退二进三”，广钢、广纸、广船开始退出历史舞台。经历咗旧城区改造、工厂升级、迁出等变迁， 如今工业大道已经被逐渐打造出广纸新城，根据规划，广纸片区分为八大片区，活力岛、滨水文化休闲带、广纸综合服务社区、创意居住区、居住安置区、生态居住区、滨水居住区，唔单止改善咗呢个片区嘅生态环境，同时仲提升咗呢度嘅商业价值，成为老城区置业的热点。