开年第一个返工月，一班可乐君竟然纷纷“踩过界”：有人做咗“吃播”，有人挂住同萌妹约会，“电灯胆”都做成专业户……新年一开波，大家齐齐玩跳槽？究竟係乜回事？一起嚟睇睇啦。

　　陈祉伶/文 Color团队/图

　　专业电灯胆

　　作为识饮识食嘅广东人，吔下“狗粮”又无妨嘅。今期粤语课堂邀请到一对超sweet嘅真·情侣做嘉宾，带大家学下粤语中的情侣“暗号”。做“电灯胆”，我哋都係专业噶！吔饱“狗粮”，高甜画面也已通通记录下。

　　转行做吃播

　　写得稿、影得相都仲未够叻，为咗获得客观真实嘅饮食资讯，今时今日嘅可乐君仲要好食得！味蕾要灵敏，能精准分辨菜品甜酸苦辣的精妙之处；仪态要优雅，成片才能保持美观，吸引观众追睇。可乐君都体验咗一下吃播的苦与乐。

　　社交小能手

　　为咗让大家认识到更多来自各行各业的达人，可乐君即刻变身社交小能手，广交新friend不在话下。可乐君今期就约到个元气萌妹，等住大家去认识，佢仲会以资深Coser身份，带大家了解COSPLAY添。

　　一支公团队

　　Color团队一向係“合则天下无敌，分则各自为王。”人均通识几项技能嘅可乐君，就算只得一个人，都可以用“分身”组个团出嚟噶。左手打灯，右手揸机，搵啱构图，秒出大片！成个流程一气呵成，係咪抵加多两个鸡肶咧？

　　指挥办大事

　　可乐君玩得、食得、写得又影得，最新技能已经发展到搭棚做布置！穿短裙嘅可以俾意见、揸开相机嘅就梗係摇杆操作啦，最后影低呢张大片嘅，就係平时嘅“技术宅”设计，仲有 “大师”做导演指挥大家点企位……Color版面每张图、每段文字，都有故事！

　　NEWS

黄明昊开show庆生

　　2月係黄明昊Justin嘅生日月，2月18日佢将嚟到广州举行“贾想世界”演唱会，提前与粉丝庆祝生日。呢场show会将佢最新专辑《VR》入面嘅音乐空间实景化，聚光灯下不单止可以见到热血嘅Justin，仲有浪漫、忧郁各种唔同feel嘅小贾，沉浸式的体验带大家走进佢嘅“贾想世界”中，Justin与粉丝的独家记忆将在呢个舞台生成。（郭玮/文）

　　翠如正楠晒恩爱

　　2月11日，黄翠如与萧正楠空降天汇广场igc，与一众粉丝嗨玩默契游戏，大送甜蜜福利，期间佢哋更卿卿我我狂晒恩爱。为咗令“萧黄CP”嘅sweet因子无限传播，igc特意策划情人节24小时浪漫计划，让情侣们可以在恋爱嘅日子，日出邂逅浪漫，日落回味甜蜜，创造专属佢哋嘅爱情回忆。（郭玮/文 陈祉伶/图）