俗语有话：工欲善其事，必先利其器！想开工醒神，第一件事梗係要执番靓个工位啦。对好多坐办公室嘅打工人嚟讲，小小工位係打工人日常活动时间最多嘅地方，所以大家都会根据自己嘅喜好去布置。Color君专门搵咗四个风格唔同嘅满FUN工位出嚟battle，边款令你最惊喜呢？　　

　　陈祉伶/文、图

　　@电子宠物：好意头加持

　　电子宠物係一位十分追求精神愉悦的选手，佢嘅工位睇落唔算太出彩，其实好多细节位都有自己嘅小心思噶。佢认为最实用嘅单品当属人手必备嘅台历，选择有备忘录设计嘅台历，可以方便记录待办事项的DDL。水杯、摆设等小物件，电子宠物就喜欢比较明亮色系，超可爱的雪人水杯，好意头的针织大桔……望多两眼呢啲缤纷摆设，心情靓啲，疲劳都好似消减咗啲。

　　@Agnes：仪式感晒冷

　　Agnes係一位非常讲究仪式感嘅女仔，工位上的每个角落都有精心设计过噶。造型得意嘅木质万年历经济实惠，每日手动调整日期，可以仪式感满满地开启新一天。超大size嘅防滑桌垫铺起，码字嗰阵，键盘、鼠标唔会四围滑走，上面仲印有专属打工人的趣味图文设计，随时随地为自己打气。仲有可爱嘅桌面垃圾桶，既係靓靓摆设，又可以帮手保持桌面干净整洁，话晒有个舒适整洁的办公环境，身心舒畅，才有更充足嘅精力去应对各种琐事。

 　　励志万年历、桌垫

 　　桌面垃圾桶

　　@Qin：务实派出动

　　对于比较务实嘅Qin而言，要打造满FUN工位，最重要就係让桌面物件整齐有序。话晒呢片小天地相当于係自己职场打拼嘅一个平台，乱糟糟嘅桌面或多或少都会影响上班的心情和工作的效率。简约又实用的收纳置物架，方便摆放各类零碎小物同归置资料文件，大大提高咗空间利用率之余，也令桌面更加美观。显示器增高架简直係拯救颈椎的利器，不工作时仲可以将键盘收藏于增高架下方，可有效防尘。再配埋个键盘掌托，缓解长期码字嘅手腕疲累，时刻都可以keep住最佳状态啦！

 　　多功能收纳盒

 　　显示器增高架、键盘掌托

　　@牛牛：少女心爆棚

　　咁有趣嘅battle，Color团队都要派个代表出战先得。牛牛係可乐君中最有少女心嘅选手，专属工位亦格外可爱迷人。作为Hello Kitty忠实拥趸嘅佢，入手嘅水笔、剪刀、鼠标、鼠标垫……通通都要有Hello Kitty！同系列产品配套放到一齐，连整齐度都迅速提高，满眼pink够晒sweet又提神，即刻拥有粉色自由。各型各款嘅Kitty周边，满足嗮牛牛嘅收藏欲，加埋各种私伙珍藏，工作起来都格外有冲劲。

 　　全套hello kitty

 　　可乐君私家收藏