LESSAIR 空气轻感戒指

　　

　　返工冇厘神气？一于戴番啲肥嘟嘟型嘅饰品装点下，帮自己打打气啦！最近好受大家欢迎嘅膨胀首饰就好啱用，膨化戒指、充气耳环、网纱发箍……呢类饰品轻盈圆润，柔软触感令人好治愈，佩戴后可以令成个look都变得活力满满、充满朝气！　　

　　郭玮/文 品牌官网/图

　　

 

　　“兔”气扬眉

　　今年係兔仔年，各种兔年限定都特别受欢迎！兔毛制作嘅耳环，手感毛茸茸，睇落就好温暖。有啲款式更将兔兔公仔造型同兔毛材质结合，加镶钻设计更有奢华感。兔毛抓夹方便实用，暖色系令佩戴者更添温柔度。兔毛发圈除咗可以扎头发，喺冬季时仲可以当手腕饰品，一物两用超划算。不过Color都提醒大家，兔毛饰品要绒毛蓬松先好睇，如果网购货品在快递寄送途中被压实咗啲毛毛，可以用软毛刷轻轻将毛毛梳顺，再用风筒暖风稍微吹下佢，就可以恢复原有嘅蓬松度啦！

　　

 　　兔毛发圈

 　　DREJEW兔毛耳环

 　　兔毛抓夹

 　　花迹兔毛耳钉

　　情意“绵绵”

　　讲到有蓬松感嘅材质，一定唔少得棉花啦。超轻棉花同贵金属结合，可以制成造型精致嘅棉花耳钉。纯银耳针，让肌肤易敏感嘅靓女们都啱戴；圆润嘅天然棉花经过特殊保鲜工艺处理，最大程度保留棉花自带嘅原色，每一对耳钉都係独一无二噶。想要缤纷啲嘅，都可以选择造型逼真嘅棉花糖耳环，经过染色处理嘅棉花变得松软又多彩，尖下巴嘅朋友仔佩戴可以减龄，圆面孔嘅姊妹就可以用佢修饰面型，仲有多种色系可选，真係超百搭。除咗真棉花材质，仲可以试下海绵材质嘅Q弹七彩棉花糖耳饰，软软糯糯嘅既视感，sweet程度瞬间拉满。

 　　棉花糖耳钉

 　　blueglow

　　棉花耳钉

 　　OSEWAYA

　　棉花糖耳环细节

 　　棉花糖耳环

 　　OSEWAYA

　　甜美彩虹棉花糖耳环

　　一“网”打尽

　　网纱材质因为结构特别、质地柔软，自带蓬松感又有立体塑型格支撑力，十分容易拗出各种造型的饰品来。将管状网纱绕成两个交错嘅圆圈，即刻係设计感耳环；两条长网纱交织，马上成为立体感发箍；捏成波波串链嘅颈链都好有味道。喺中空嘅网纱管中放入珍珠、玻璃球等等晶莹剔透嘅填充物，仲可以令首饰变得更闪亮吸睛，唔同颜色、材质嘅搭配都能带来一啲惊喜效果。网纱镂空嘅特性，令佢嘅材质好轻身，颜色鲜艳但一啲都唔夸张，大家搭配起嚟都唔会有压力噶。

 　　SETEARS网纱耳环

 　　nisforneverland网纱耳环

 　　网丝耳环

 　　网丝耳环

 　　无尽之夏 发箍

 

　　朝“气”蓬勃

　　咪以为首饰就一定会笨重硬实啊，设计师令佢哋嘅表面膨化胀起，即刻可爱翻倍，想甜、想chok都完全冇问题。造型圆润、质感Q弹嘅硅胶膨化戒指，配上缤纷糖果色，中间仲有精致锆石点缀，可以显得双手皮肤白净又减龄。胀卜卜嘅耳钉造型得意，夸张size让佢哋拥有超强“瘦面功能”，虽然呢啲饰品睇落大大只，但都係好似气球咁用空气填充，戴起身轻盈无负担，创意满分、够晒贴心。同样用圆润硅胶材质打造嘅发箍、发夹，都係大受欢迎嘅肥嘟嘟饰品，佩戴起来都好百搭。

 　　LESSAIR

　　空气轻感耳环

 　　

　　LESSAIR

　　空气轻感耳环

 　　TOGGLER 膨化发夹