有啲动物望落好凶猛，但係实则好温顺？有啲动物睇似呆萌可爱，但特别高窦？万事万物都有令你谂唔到嘅一面！ 今期Color就带大家探两家一冷一热嘅最萌反差宠物店，等你睇睇外冷内热嘅爬宠、高冷又想人宠爱嘅猫咪，佢哋嘅反差感往往自带萌点。

　　饶禧/文 吴雨晨/图

暖心爬宠好得意

　　猛兽卖萌

　　爬行类动物大都皮肤干燥，表面长有角质鳞片，外表望落唔多可爱，甚至有啲盛气凌人得人惊，但店家介绍，其实大部分嘅爬宠性格都好温柔噶！例如伞蜥、鬃狮蜥等，外表凶猛霸气，平时喺树上趾高气昂咁，实际上佢哋係名副其实的“小吃货”，一见到店员手中有小零食，就会不顾形象秒扑埋嚟。而长鬣蜥作为怪兽哥斯拉的原型，体型庞大，又有粗大嘅尾巴，外表真係几吓人，实际上佢哋性情温顺，心思细腻。店内明星之一长鬣蜥“澳利澳”，每次都静静咁趴喺客人手上面，任人点撸都唔会嬲；面对大家的喜爱，“澳利澳”仲会歪头卖萌，镜头感天生就好掂，所以好容易俘获客人嘅芳心。

 　　伞蜥

 　　伞蜥

 　　伪避役安乐蜥

 　　长鬣蜥“澳利澳”

 　　守宫

 　　“小零食”蟋蟀

　　艳丽攻势

　　冷血动物连个样都会冷冰冰？唔係噶，有啲冷血动物外貌相当艳丽，令人睇到目不转睛。譬如蓝色嘅竹叶青和绿色嘅铠甲蝮，本身嘅颜色就好抢眼，每一只嘅头部图案和颜色都有不同，你好难唔被佢吸引。但大家一定要记住，大部分蛇类颜色越鲜艳，毒性越强，作为观赏者，我哋应该隔住玻璃、保持距离，千祁唔好乱咁接触啊！除咗颜色鲜艳，一啲体型细细只嘅爬宠，都好容易迷惑你。例如芒刺棘皮瘤尾，佢有一对天真无邪嘅大眼睛，一条短而圆嘅尾巴，外形显得特别呆萌，但其实佢哋十分敏感，面对陌生人嘅触摸，特别係触碰到尾巴、头部等敏感地位，常常会呲气警告、保护自己。虽然呢种警告聊胜于无，但大家撸爬宠时都要认真听店家讲解，注意分辨唔同爬宠嘅习性同禁忌，唔好随意乱摸。

 　　蓝舌石龙子

 　　铠甲蝮

 　　芒刺棘皮瘤尾

 　　竹叶青

　　唐朝爬宠　　

　　地址：南边路38号智能联网产业园　　

　　营业时间：每天 10:30—19:00

　　高窦小猫营业忙

　　帮猫咪搵工

　　位于江南西内嘅呢间猫咖，温和嘅暖光散落喺圆木凳上，客人们可以好似喺屋企咁随时席地而坐，见到呢啲懒懒散散的小猫咪，边撸猫边食嘢，心情都可以更放松。店内嘅十几只猫猫，大部分都跟咗店主好长时间啦！店主曾经喺广告公司翻工，公司同事都会救助好多流浪猫，仲有专门嘅养猫房，大家每日翻工嘅第一件事就係变身“铲屎官”。见到猫猫数量越来越多，店主同同事一拍即合，开咗呢间猫咖店，既可以照顾好猫猫，又可以等更多人圆“撸猫梦”。为咗保证猫咪们嘅健康，店内会24小时保持恒温通风，每日亦会清洁消毒，保持一个干净企理嘅撸猫环境。

　　猫猫积极营业

　　店内每只猫咪都有自己嘅“艺名”噶，比如Lucas、 Louis、阿花等。年纪最大嘅“靓仔”，今年已经6岁了，作为猫咖元老，人气亦係最高的，嚟呢度hea嘅朋友仔通常第一时间都会先搵佢玩。大家对全身光秃秃嘅无毛猫，态度是两极分化的，有人会好中意，亦有人好难接受。店内有一只无毛猫“阿福”特别有个性，当初因为太百厌、打烂咗前主人心爱之物，就俾主人带来呢度“上班”。啱嚟到新环境嘅时候，成日同其他猫咪打交，打足一个月先逐渐适应。阿福嘅样有啲高窦，其实它都会主动求抱抱噶，以前係百厌星，如今变成乖乖猫了。

 　　Louis

 　　无毛猫阿福

 　　Lucas

　　喵·不可言主题餐厅　　

　　地址：青竹大街21号104房　　

　　时间：每天12:00—21:30