策划：骆苹、董华海、曾敏妍

　　统筹：曾敏妍、郭玮

　　执行：郭玮、饶禧、黄译萱、张子殷、王慧诗、秦丽莹、吴雨晨

　　我哋廿岁啦！20年来，我哋为大家到处探寻至潮至IN嘅好玩嘢，打造大湾区吃喝玩乐嘅潮流指南。Color长到咁高咁大，多得大家一路嘅支持与陪伴。我哋生日开趴，唔止有艺人friend嘅祝福，最紧要係邀请大家同我哋一起吃喝玩乐、玩到尽兴！食嘢，我哋要食好玩、美味又大份嘅；扮靓，明星、影视带起嘅风潮，我哋跟到足，等你由头靓到脚趾尾；玩嘢，刺激好玩、养眼舒适，仲会兼顾埋出片！Are you ready，Let’s party！

　　郭玮/文 Color团队/图

　　靓 齐齐show出来

　　要潮、要靓，係作为潮人嘅基本素养。趁住20岁开趴，大家都要以最靓嘅造型嚟赴宴：set个靓发型，由朝蒲到晚都唔使惊；贴埋chok贴纸，成条街你最吸睛；最磢镜嘅pose都帮大家谂埋，打卡啱用嘅拗造型指南，定格你最perfect嘅moment！既然靓相已经安排好晒，show出嚟威俾人睇就最实际啦。最个性超有心思的DIY相框，框住你同我哋最美好的20岁回忆，呢铺真係靓到沊一声，无懈可击！

　　食 越浮夸越美味

　　跟住Color长大嘅朋友一定有粒“为食痣”。食港式茶餐厅，要最正宗嘅口味，用最地道嘅“暗号”嚟落单；零食要大大件先食得够过瘾，热量爆炸都唔使怕；依家最hit“多巴胺”，我哋就用五颜六色嘅美味唤醒你的味蕾……款式太多唔知拣边款？我哋都廿岁了，仲做咩选择，梗係全部都要啦！生日一年只有一次，既然食就放开肚皮、敞开心扉，由得佢饱到上心口啦！

　　玩 花臣多先过瘾

　　玩乐，我哋最擅长噶，而且成日拉埋明星艺人friend一起玩。文字游戏，我哋可以边玩边学嘢，急口令、生僻字、估歌仔、猜电影……粤语文化、非遗文化，我哋都好熟！运动有益身心，新晋ball game最适合班马去威，我哋已经探好路；多巴胺已经唔止係时尚打扮同美食，仲可以係靓仔又好玩的市集，今日我哋都为大家准备好晒啦！

　　Color 鬼马谂法多多

　　我哋朋友遍天下，艺人朋友成日同我地密密斟，最新娱乐生活动态秒get！有好食、好玩嘅嘢一定会追，打卡方式变住花样来，鬼马谂法多到你眼花缭乱嘎！Color报纸一期有24个版，微信、微博、微信视频号等新媒体平台同你日日见，跟住我哋，包你潮到风湿！我哋特别为20岁生日设计嘅系列周边，型仔嘅班马同靓仔机器人出没，玩转实用又潮爆嘅纪念品，心动适宜即刻行动，错过今次又要再等一年。未来仲有好多好多个20年，我哋希望继续有大家支持，祝《可乐生活》生日快乐！