在被大家誉为“下饭神剧”《请回答1988》里面，“珍珠妹妹”永远都喺度食紧大大件嘅零食，睇到都觉得特别满足，令人食欲大增，好多观众都想get同款。除了吃，大大件嘅零食用来做道具，仲非常好出片嘎！Color君就帮大家搵到好多over size嘅好玩零食，一次过满足大家嘅“珍珠”梦同打卡日常！

　　郭玮/文 品牌官网、剧照/图

　　“妈见打”系列

　　无论係大人定係细路，大家呢种中意“大”嘅心态，被商家get到了。前段时间，山姆超市推出嘅巨型大桶即食面，将一个常规即食杯面包装放大咗几十倍，再将各种口味嘅即食面放入里面，打造出一个巨型嘅“全家桶”，因为抱住佢影相够威水，大家都觉得好好玩，所以呢款即食面礼包好快就卖晒了。罐装薯片都推出咗超长罐款式，同大桶即食面有异曲同工之妙，商家将普通款嘅罐罐拉长几倍，打包多罐唔同口味嘅薯片，斋个外包装就已经够晒吸睛，买一筒翻去又可以试晒所有口味，真係几掂噶。仲有好多零食品牌都推出咗呢种“巨大礼包”，份量上令人超满足，捧回家嘅一路上都会收到路人的艳羡眼光！到咗过年过节嘅时候，五花八门嘅节日限定大礼包就更多。不过呢，阿妈见到我哋食热气嘢，肯定叫我哋去饮凉茶了！

 　　山姆巨型合味道

 　　旺旺巨型大礼包

 　　乐事彩虹包薯片

 　　乐事 火箭筒薯片

　　胰岛素报警

　　甜丝丝嘅糖果就係小朋友嘅欢乐源泉。Q弹可口的小熊软糖，放大100倍之后就会变成重达2斤嘅“大熊软糖”，弹度升呢，捧在手上大啖咬，爽滑弹牙口感好过瘾。硬口耐舔嘅棒棒糖都有巨型size，喺Color粤语课堂成日出镜嘅大大波板糖，就俾日常大家舔住食嘅糖仔大几倍。喺早前播出嘅电视剧《爱的勘探法》中，男主角用一粒巨型棍仔糖向女主表白，码数变大、甜度上升，表白成功率即刻upgrade咗。除此之外，大家由细食到大嘅三角巧克力，都推出9磅大size款，里面还原咗正常款巧克力嘅一格格三角形，不过因为码数大咗，每格拗开嚟就好似一块大蛋糕咁，食过嘅都话满足感好强！

 　　巨型瑞士三角巧克力

 　　熊博士大棒糖

 　　味你定制 大熊软糖

 　　泉旺波板糖

 　　金旺棉花糖卷

　　肚仔痛预告

　　炎炎夏日，点可以少咗雪糕同冷饮？大大桶嘅雪糕，最啱喺煲剧嘅时候揽住，用大匙羹挖住食，食到满足为止。大大碌嘅火腿状冰淇淋都好架势，你中意切成片食又得，中意成支捧住咬都得，雪糕慢慢融化后会软腍腍，可舔可啃咬，食嘅姿势都可以好多，滋味无穷。仲有茶饮、咖啡店都推出king size大杯装饮品，原只柠檬、plus版大珍珠等配料，令大家呢个夏天欢乐加倍。冻嘢始终係冻嘢，食太多容易肚仔痛，大家都要控制一下自己。

 　　雀巢薄荷巧克力冰淇淋

 　　台圆食品 巨无霸珍珠

 　　哈根达斯桶装冰淇淋

 　　伊利桶装冰淇淋

 　　海象皇宫香肠冰淇淋

　　Color提醒：抱住大礼包，可以影多啲靓相，不过饮食要适度，千祈唔好贪心啊！