平时同啲friend出来行街shopping，行到攰咗就搵翻间餐厅饮杯下午茶relax下。今次Color君走入广州老城区，发现咗两家好有意思嘅店铺，外表是老房子，入去发现可以一次过满足你饮啡、影相、试衫三个愿望。呢种充满“魔力”嘅咖啡店，绝对係广东宝宝嘅行街圣地。

　　黄译萱/文   张子殷/图

　　小魔女复古衣橱

　　“小魔女”衣品

　　呢间咖啡店叫“36SML”，“36”代表门牌号，“SML”代表衣服嘅尺码。店内展示咗店主钟意嘅衣服品牌，哥特风格嘅穿搭为主，黑白灰基调嘅衫挂喺转角，就好似小魔女嘅衣橱咁，让破旧又原始嘅装修，多咗一分叛逆与浪漫。放喺门口嘅蓬蓬裙，复古而叛逆，係店中嘅标志性打卡点之一。一到下午，店里就会好热闹，附近的打工人、接送小孩的家长都钟意呢个时候来，点翻杯咖啡放松一下。店里口感丰富嘅啤酒气泡美式，淡淡的啤酒气泡喺咖啡中散开，好似让沧桑老屋迸发出新活力；而精致拉花嘅拿铁就更容易出片，复古瓷杯放喺旧枱上，带你一秒穿越到中世纪嘅欧洲。

 　　啤酒气泡美式

　　“废墟”中探险

　　经过呢间咖啡店，残破感与精致感形成巨大反差，令人忍唔住想入去一探究竟。店主花咗唔少心思，打造呢间“美丽废墟”，店面完美保留咗老洋房嘅原貌，屋顶嘅木梁清晰可见，让堆放咗一堆杂物嘅毛胚房生出豪华感。咪睇店内嘅大部分家具都伤痕累累，枱凳、摆件全部係老古董，有一种复古的精致，比如吧台上摇晃嘅水晶灯、角落堆放嘅旧钢琴和老式缝纫机，有啲係店主从国外淘翻来嘅，有啲係屋主留低嘅，整个空间中西、新旧交融。你会忍唔住观察记录各处细节，就好似喺老屋中探险一样。

　　36 SML

　　地址：越秀区惠吉东路36号

　　营业时间：周一至周五10:30-18:30；

　　周六至周日10:00-19:00

　　民国千金衣帽间

　　复古裙太迷人

　　从热闹嘅多宝路转入宁静昌华横街，喺西关旧民居中开启一趟充满烟火气嘅Window shop之旅。透过橱窗你会见到华丽嘅欧式连衣裙、精致嘅中式旗袍, 推门入去“心梦古着Vintage”店，就好似进入民国千金嘅衣帽间，让人迫不及待想将呢啲靓裙着上身，然后提起裙摆喺复古音乐中起舞。店主係一位古董礼服收藏者，她说自己拥有两千多条古董裙，天鹅绒、真丝等材质为主，虽然都係上世纪20到90年代嘅style，但仲保持住光亮嘅色泽与丝滑嘅手感。店主同时也是一位服装设计师，所以店里还有她自己设计的旗袍和礼服裙。

　　西关屋香甜味

　　睇完靓衫，我哋去对面嘅“西关84”饮翻杯咖啡，西关独栋小洋楼古色古香，同古董裙就最衬啦。换上风情万种嘅复古礼裙，以透住暖光嘅西关大屋为背景，影一套温馨又惬意嘅民国小姐大片。传统中式横批窗，西关屏风门窗、屏风、枱面，仲有各种形状嘅彩色玻璃，同有残破感嘅红砖墙相互呼应，咖啡店从外到内都充满西关屋的韵味。而日常静谧嘅环境，简直就係“i人”乐园，揾一个角落坐低，点一份美味嘅下午茶，自成一个小空间。除咗香浓而不腻嘅咖啡，呢度仲係“华夫控”嘅天堂，软糯嘅华夫饼配上各种口味嘅淋酱、雪糕、果干后，美味再升呢，让整间老屋充满香甜风味。

 　　拿铁

 　　华夫饼

　　西关84·History·Art·Cafe、心梦古着Vintage

　　地址：荔湾区多宝路84号

　　营业时间：周一到周日8:00-20:00