随着交通越来越便利，广佛“同城圈”的生活丝滑落地。最近，广州7号线二期开通，顺利同佛山3号线接驳，趁着五一假期，沿着这两条地铁线来个Color walk，可以深入黄埔区、番禺区、顺德区等地方嘅大街小巷中，寻找潮流地标、打卡热门景点、品尝特色美食，玩转岭南水乡！
饶禧、黄译萱 文/图
广州7号线
1
长洲
往日只能靠轮渡嘅长洲岛，地铁开通后就可以直达岛中。岛上文化悠久，可圈可点嘅古迹众多：“将帅摇篮”黄埔军校、辛亥革命纪念馆、金花古庙……处处蕴藏浓浓古韵。逛完古迹，嚟到岛内最大嘅中山公园，湖中嘅白鹭洲係名副其实嘅“小鸟天堂”，栖息着各种野生鸟类，摄影发烧友一定要嚟打卡。慢节奏嘅长洲岛仲有好多绿道和廊桥，好适合一家大细漫步、骑行，远离都市喧嚣，开启一日假期慢生活。
2
深井
从深井站D口出来，就係已有700几年历史嘅深井古村。青砖石脚嘅古老大宅，偶然会遇到嘅宗庙，古村里面的建筑风格充满岭南特色。行攰咗可以搵家食肆，试下呢度嘅招牌美食——深井烧鹅。“深井”其实有两层意思，除咗指“深井古村”，仲指当地喺深井中烧制烧鹅嘅独特工艺。烧鹅色泽鲜艳，表皮酥脆，睇个look都睇到人流口水。转头出来，可以逛下深井博物馆，睇睇烧鹅嘅制作过程同古村落嘅发展历程。
深井古村（公众号：广州黄埔发布）
深井烧鹅博物馆（公众号：文旅黄埔）
3
大学城南
高校云集嘅大学城，令你既可以感受青春活力，又可以体验传统岭南风味。从大学城南B口出来，步行就可以到嘅岭南印象园，建筑群都係岭南传统风格，你会遇到皮影戏、象牙雕、剪影等等非遗手艺。穿过传统建筑群，一眼就可以睇到红色嘅广州美术学院美术馆。作为华南地区嘅高等美术学府，馆内会不定时开设美术大师同美院学生嘅作品展，一年一度的毕业展更加係约爆的热门展览，大家想睇展记得提前上网预约。
（公众号：岭南印象园)
4
员岗
一出地铁站就见到七号小镇创意园，佢嘅前身係工业厂房，如今改造成文化艺术小镇，汇集咗唔少潮流工作室、网红餐厅同热门咖啡屋。睇惯高楼林立，漫步喺青葱绿叶嘅幽静园区内，搭配充满街头文化嘅涂鸦墙，影相劲出片。行远少少，嚟到清代举人邬彬嘅私家花园——余荫山房，至今已有150年以上历史，係广东四大古典私家园林之一。佢嘅建筑特色係“藏而不露、缩龙成寸“，每间屋都有唔同嘅主题特色，被誉为岭南古典园林代表作。在园中凉亭休息，相当写意。
余荫山房（公众号：余荫山房）
七号小镇创意园（公众号：七号创意园）
佛山3号线
5
北滘公园
从7号线转到佛山3号线，地铁站一出来就係北滘公园，往前行可以欣赏到从明、清到现代嘅岭南传统建筑之美。岭南和园係传统岭南园林嘅“集大成者”，穿梭于水榭廊亭、石山流水之间，欣赏，感受移步换景嘅乐趣，换上传统服饰，随手一拍都係新中式大片。里面还设有介绍岭南园林嘅园林博物馆，以及精彩纷呈嘅广东大戏、鱼灯制作等非遗活动，大家记得check好时间，行过路过唔好错过！和美术馆呈现嘅係新派建筑之美，美术馆由建筑大师安藤忠雄设计，除了里面定时更换嘅主题展，开创性嘅双螺旋楼梯都係打卡嘅重点。
6
大良钟楼
大良钟楼站汇集咗顺德最有特色、最有古韵嘅街区景点。出站就见到大良钟楼，可惜“铜钟千斤，闻声十里”嘅钟声难以重现。靠近地铁站嘅华盖路步行街，曾经係顺德最繁华嘅中心，骑楼下嘅老街充满市井烟火气，依家仍然游人如织、热度不减。一路行落去，转入华盖直街就到“岭南四大名园”之一嘅清晖园；街角藏有华盖山栈道入口，呢度係电影《热辣滚烫》嘅取景地之一，喺山上可以俯瞰鳞次栉比嘅旧街城景；从栈道下来，就到达金榜上街，从“古早味”街巷中穿过，开启“牛乳之旅”，可以品尝到纪录片《寻味顺德》嘅美味。
清晖园（公众号:清晖园）
7
顺德欢乐海岸
来到吃喝玩乐设施一应俱全嘅顺德欢乐海岸PLUS，可以玩足成日啦！要潮流feel，可以逛购物中心，要叹水乡风情，可以去号称“顺德清明上河图”嘅曲水湾风情街，一个地方可以拍出两种味道。这里夜景更迷人，水影灯光交相辉映，下下都可以拍出大片；走入里面嘅欢乐时光主题乐园，色彩缤纷迷人眼，“顺德眼”係最重要嘅打卡点，坐上这个华南地区最大嘅摩天轮，繁华城景尽收眼底；园中设有好玩刺激嘅游乐设施，逐项收费，任君选择；“水公园”同“冰雪王国”，让你一次过体验夏日玩水嘅爽快与冬日玩雪嘅浪漫。
顺德眼摩天轮（顺德欢乐海岸PLUS官网）
冰雪王国（公众号:顺德欢乐海岸PLUS）
曲水湾食街（公众号:顺德欢乐海岸PLUS）
MORE
主题玩法
老街探秘：长洲站、深井站、大良钟楼站
园林漫步：大学城南站、员岗站、北滘公园站、伦教站、大良钟楼站
硬核郊游：大学城南站、钟村站、东平站、驹荣北站
悠闲潮玩：员岗站、亚艺公园站、北滘公园站、顺德欢乐海岸站
