“黄金周”攻略@广州

　　“十一”黄金周又准备到啦！如果你未有plan出去玩，或者未谂到去边度玩，咁我哋就定个位：广州！贴心嘅可乐君搜罗咗一份新鲜好玩攻略，等大家get到至新至IN嘅好玩资讯，喺广州可以玩得舒适、食得招积。

　　　　策划：骆苹、曾敏妍

　　　　统筹：曾敏妍

　　　　执行：饶禧、黄译萱、郭玮、秦丽莹、汤唯闻、张子殷

 　　  坐巴士叹早茶 浪漫巴士Citywalk

　　对于广东人嚟讲，饮早茶係一种享受。最近，广州巴士集团推出咗“如约华厦，印象广州”文旅专线主题车，将早茶带上双层巴士，边品味粤式美食，边打卡广府靓景，享受双倍快乐。一于跟住可乐君嘅步伐，齐齐体验下啦！

　　饶禧/文  黄译萱/图  郭玮/模特

　　移动live show

　　广州巴士仲推出“音乐茶歇”主题巴士，听住动人嘅音乐，喺车水马龙嘅街道上游车河，路边嘅风景不停变换，冇乜比呢趟旅程更浪漫。拉风嘅音乐茶歇双层巴士上，摆放住复古嘅蓝色座椅同埋小型音乐舞台，每个月都会邀请本土音乐团队、音乐学院来演出，唔同嘅音乐主题同歌单轮换上演，开启一场移动嘅live show。巴士从舒适安静嘅二沙岛出发，喺蓝天白云下，将广州塔、有轨电车、CBD高楼等标志性景色尽收眼底。茶歇餐品有广州传统特色嘅鸡仔饼、豆沙，仲用广州市花木棉花来做特调，把广式风味玩到极致。想放松又想舒适嘅朋友，不妨嚟翻趟音乐茶歇巴士之旅啦，感受另一种巴士city walk！

　　视觉味觉齐满足

　　巴士启动后，工作人员会送上粤式早茶食盒。外盒上有精致嘅雕花，内里每一层都有唔同惊喜。三层食盒里面，有各种各样嘅正宗粤式点心：皮薄馅靓嘅虾饺，浓虾味充斥口腔；仲有大粒烧麦，一啖饱肚满足；同埋蜜汁老娘黑叉烧，蜜汁浓郁入口即化……带着呢啲“移动”一盅两件，食住早茶、望着窗外的靓景，体验视觉和味觉嘅双重享受。这趟文旅专线每日有两班次，分别係早上9：00至11:00和11:30至13:30，感兴趣嘅朋友可以登陆“巴士文旅”小程序了解啦。

　　浪漫粤式之旅

　　这趟独特嘅文旅专线，用最醒目嘅红色作为双层巴士主色，车身印着海珠桥、小蛮腰等羊城地标建筑。车门贴住“品广府文化、叹粤式茶点”，瞬间成为“行走的焦点”。进入车内，映入眼帘嘅係熟悉的满洲窗、古色古香的卡座，充满广府味。巴士二楼有360°全景天窗，令大家沉浸式欣赏羊城美景，随时随地影出靓相。穿梭喺广州大马路上，同西关大屋、广式骑楼肩并肩，从高处饱览滨江风景。车程全程耗时一个半钟，途经北京路、万福路、沿江等老城区经典路段。行到边讲解员就讲到边，把沿途嘅广府文化全部话你知，身临其境地体验粤式city walk啦！

 　　图片来源：广州观光巴士公众号