水樽一压，松软嘅吐司变手工纸，匙羹一抹，焦黄嘅方包变成画布……呢啲色彩缤纷又造型奇特嘅吐司甜品，做法简单、制作过程治愈、成品精致。今期Color君带你整出好睇又好食嘅吐司做爱心早餐啦！

　　黄译萱、郭玮/文、图   郭玮/模特

　　涂涂有color

　　想准备个惊喜早餐又唔多会烹饪，不如把方包当做画布，发挥创意画上趣致嘅图案，整一款得意嘅手绘吐司，边个睇到都冧到爆！作画少不了酸甜味道嘅“颜料”，在调配“颜料”时，“天然色素”落得越多，“颜料”就越深，睇住缤纷食落放心。开始作画啦，化身“方包画师”画低屋企嘅一大班公仔，令佢哋排排坐上方包啦。最后，为手绘吐司点缀细节铺垫背景，摆好盘后好似艺术品，每一啖都充满惊喜。

　　1、调制“天然色素”：用质地似油画颜料嘅希腊酸奶或奶酪，搭配火龙果等新鲜水果，或者可可粉、抹茶粉等调味粉，用匙羹混合佢哋进行调色。

　　2、抹出公仔轮廓：用匙羹喺吐司上刮出色块确认位置，前端轻轻放一堆，后端再用力刮出尾，用呢个方法继续抹出所有公仔嘅轮廓。

　　3、画出细节特征：用巧克力色、乳白色补充公仔嘅面部特征、五官表情，仲可以用匙羹大面积铺色画出草原、花园等美丽风景。

成品

　　片片变3D

　　一片片嘅方包，除咗可以做“画布”彩绘图案之外，仲可以变成“手工纸”，加少少创意，令佢变得立体起身。用压平的面包片当“手工纸”，更方便整造型，切出嚟嘅面包边可以留住做后期装饰。用樽盖压出圆形面包片花瓣，层层叠加面包片，面包花就会更加有层次啦。装扮立体花花面包时，花朵周围可以用面包边修剪出来的流苏、小叶子做装饰，再用一粒朱古力豆做花蕊，立体嘅花花面包就做好啦。如果中意脆口吐司，可以将成份作品送入烤箱，烘烤之后朱古力花蕊会变成流心，微焦嘅面包片卜卜脆好过瘾。

　　1、准备手工纸：用擀面杖将飞边面包片碌平压实。

　　2、压出圆形片：用洗干净嘅矿泉水樽盖印出圆形嘅面包片花瓣。

　　3、制作面包花：捏实花瓣底部再两两合并，围绕成型嘅小花叠加圆面包片，就可以变成一朵面包小花。喺另一块面包上挖窿，将制作好嘅花朵插入，仲可以用面包边装饰立体面包花。

成品