春节临近，超市嘅刘德华已经成功解冻99%，係时候同屋企人出门买年货啦。钟意饮饮食食嘅广府人，每年都会准备唔少美食类年货，酥嘅、脆嘅、香嘅、甜嘅……大家快啲mark定呢个广府特色年货list啦！

　　饶禧/文   羊城晚报、东莞日报等/图

　　广州：开油镬炸蛋散

　　年廿四“开油锅”，新鲜出炉嘅“热气嘢”，每年齐齐整整出现喺广州人嘅屋企中。外型好似胀爆荷包嘅油角，寓意家肥屋润，啖啖酥脆，香气四溢。“煎堆碌碌，金银满屋”，圆嘟嘟嘅煎堆表皮薄脆清香，内馅嘅爆谷、花生、椰丝混糖浆，食起身香甜可口，仲带点软糯。平时粤语讲“蛋散”，是指做事唔多掂当嘅人，带有贬义。而作为年货嘅蛋散香喷喷，面胚加了猪油、南乳、芝麻，在油镬里炸得酥脆可口，闻到都忍唔住流口水。同款面胚仲可以做成五角星形状嘅糖环，寓意面面俱到、环环相扣，口感会更厚实同有层次感。

　　煎堆碌碌

　　炸好的糖环

　　油角

　　炸蛋散

　　佛山：吃“名饼”香且脆

　　大良虫崩䖢、盲公饼，佛山呢两款经典年货，都係入选2023年广东非遗手信名单的食品。起源于佛山嘅大良虫崩䖢，由大良人梁成章“成记”油炸店所创，后来发展成今日嘅佛山老字号“李禧记”。大良虫崩䖢名字来自蝴蝶，形状也似蝴蝶，寓意着美丽和吉祥，佢口感劲脆，有浓郁嘅南乳香。盲公饼係同广州鸡仔饼、中山杏仁饼、西樵大饼并称为“广东四大名饼”，至今有超过200年历史。佢最大特色在于开粉工艺，唔使另外加水，将经过精加工嘅原料直接混合，烤成饼后，外皮好酥脆。传统的盲公饼馅料中会加入经过细白糖腌制过的猪肉，吃起来自带甘美。依家盲公饼嘅馅料选择更丰富了，包括豆沙、莲蓉、五仁等，过年可以试多些口味。

　　李禧记选购年货

　　大良虫崩䖢

　　佛山盲公饼

　　中山：蒸年糕圈“金钱”

　　过年吃年糕，寓意着步步高升，中山嘅年糕制作时将红枣、鸭蛋黄、五花肉等馅料，一层层放入蕉叶笼中，蕉叶笼叠好后就要密封隔水蒸12个钟，有专人睇火加水，蒸嘅时间越长年糕质量越好。年糕食落绵软香甜，渗入猪油嘅香、红糖嘅甜同埋糯米嘅柔软，大人、细路都好钟意食。外圆内方、色泽金黄嘅金钱圈，形状似足一枚铜钱，寓意财源滚滚。同样係炸物，佢做法独树一帜，用鸡蛋、粘米粉调成粉浆后，使用模具没过“挂浆”线位，之后再一同放落油镬中，“挂浆”而成的金钱圈簿如纸，食落口松脆爽口，鸡蛋香味浓。沙溪镇嘅人偏爱白砂糖嘅甜味，城区嘅人会更爱加入南乳嘅咸香味。正因为金钱圈轻薄“易碎”，好难打包邮寄，最好现炸现吃。

　　沙溪镇炊年糕

　　中山的金钱圈

　　年糕

　　东莞：颜值高庆团圆

　　喺每年正月二十嘅“人皇诞”，东莞人就开始准备“大寿桃”，祈求新一年生活美满。“大寿桃”粉色嘅软糯外皮，係用糯米粉同粘米饭混合做成的，整个用模具拗出寿桃形状，再蒸制而成。年货中的肉肉担当，肯定要有被列入广东省非物质文化遗产项目东莞腊肠。高埗矮仔肠口感爽脆、香味浓醇，制作技艺起源于清末年间，相传至今已经有过百年历史，係东莞乃至广东腊肠中之上品，在国内外都享有盛誉。矮仔腊肠以短肥圆的外形为最大特点，粤语中会用“东莞腊肠”来形容矮壮而精灵的人。近几年，网上爆红嘅“东莞雪饼”一跃成为新式东莞年货，佢用糯米包裹着燕麦牛奶做嘅爆浆流心，入口即化，被大家称为“糯叽叽天花板”。

　　东莞腊肠

　　东莞雪饼

　　东莞雪饼

　　大寿桃