前段时间，“新会华dee”陈柏曦，同可乐君体验“拍一日拖”，暧昧初遇、心动表白、甜蜜热恋、鬼马呷醋，体验恋爱嘅成个“流程”。原来喺粤语中，拍拖嘅状态可以用好多叠字词嚟形容，今期跟住Color一起叠叠下，嚟个sweet date啦！

　　郭玮/文  黄译萱/图   陈柏曦、郭玮/模特

　　卜卜脆

　　buk6 buk6 ceoi3

　　“卜卜脆”原是粤语中的拟声词，通常用来形容食物酥脆，新鲜爽口嘅状态，或者声音清脆悦耳。“卜卜”二字源自《啄木》，係形容雀仔啄木嘅象声词，广府人会用“卜卜”来形容青春水灵的少女，借喻佢哋青春有活力，仲有“十八岁、卜卜脆”嘅讲法。

　　造句：卜卜脆嘅零食个个都中意食，手快有手慢冇。

　　心思思

　　sem1 xi1 xi1

　　呢个词指人心里面一直惦记着某件事、总是想做某件事。而喺感情事上，心思思特指心里面不断想念嘅情绪，带有不安、忐忑嘅成分。喺唔想直接回答对方问题嘅时候，广府人经常会用“唔话你知，等你心思思”嚟俏皮回应。

　　造句：你中意人就要讲，咪斋心思思、唔行动，小心俾人抢咗先机。

　　甜耶耶

　　tim4 ye4 ye4

　　就係甜丝丝的意思，意思延伸后可以用来形容小情侣sweet sweet嘅互动，内含甜到漏嘅氛围。依家市面上有好多用椰子制作嘅甜品，会叫做“甜椰椰”，就是玩呢个同音梗，表示甜品既甜丝丝又有椰子味。

　　造句：你哋两个日日孖公仔咁，睇到都甜耶耶，真係羡煞旁人。

　　红卜卜

　　hung4 buk1 buk1

　　“红卜卜”在粤语中是一个生动形象的表达，用来形容红色非常鲜艳、明亮的状态，常用于描述颜色、脸色或物品的外观，表述上带有一种可爱的感觉。人喺情绪紧张、害羞时体温会升高，或者皮肤干燥嘅时候，容易面珠墩发红，都可以用“红卜卜”嚟形容。

　　造句：被人赞多几句，小美块面就红卜卜了，真係好可爱。

　　酸微微

　　xun1 mei4-1 mei4-1

　　对应普通话“酸溜溜”，形容食物有少少酸，令人生津开胃。喺男女感情事上，形容因嫉妒而不满的情绪，粤语都会用带有酸味嘅词，例如呷醋、酸微微。嬲都係因为紧张对方，通常好容易氹得翻。

　　造句：阿怡见到自己男朋友同其他女仔倾计倾到咁开心，心里面即刻有啲酸微微。

　　眼湿湿

　　ngan5 seb1 seb1

　　意思是眼睛带有泪花，形容人委屈、想喊又忍住嘅模样。同“头耷耷”（低着脑袋）一起用嘅时候，形容神情十分沮丧。

　　造句：你係唔係做错事？女朋友仔眼湿湿咁，快啲去氹翻人哋啦。