Hubert胡鸿钧将于3月21日，喺江门举行“役风Against All Odds”巡回音乐会，全新歌单、惊喜新歌，令歌迷充满期待。为咗音乐会提前预热，Hubert特意化身café“一日店长”，陪歌迷度过两个“啡”常欢乐嘅周末。

　　郭玮/文  黄译萱/图

　　广州·惊喜送“花”

　　3月8日“女神节”当天，Hubert变身“全甜”店长，超warm咁再次同“小熊”喺广州相聚。上次唱冧歌、冲靓啡，今次互动环节全方位升呢：一起折“飞机”放飞梦想，同歌迷“估歌仔”考验默契，仲有鬼马“啡”常嘅试饮环节。喺拉花宠粉嘅时候，Hubert使出多次练习后嘅全部功力，为“幸运女神”拉出专属嘅“熊君”雕花，收到礼物嘅“女神”们心花怒放，大赞佢係“饭撒的神”（指偶像对粉丝的特别关爱或互动，达到极高境界的一种夸张和幽默表达）。做“店长”都唔会少咗献唱环节，Hubert好有心，喺现场清唱咗《偷听情歌》《真心喜欢你所以流眼泪》《哑忍》等几首冷门作品，歌迷大呼“唔够喉”，表示好期待3月21日嘅“役风”演唱会现场。

　　江门·冧歌“示爱”

　　因为巡演首站喺江门举行，Hubert就特意亲临江门，与各位“小熊”（胡鸿钧粉丝昵称）度过“啡”常时光。久违见面嘅寒暄，粉丝嘅热情温暖咗寒风中穿着单薄嘅Hubert，热情似火嘅歌迷即刻默契大叫：“热就除衫，晒下腹肌！”令人熟悉嘅“除衫梗”即刻炒热现场气氛。除咗介绍演唱会“役风”名字嘅意义，诚邀大家嚟现场听全新粤语单曲之外，Hubert更清唱咗一段《凡人不懂爱》，同歌词“无需刻意想起，仍然深刻铭记……”嘅情境一样，无论时隔几耐，大家依然喺歌声响起后进入同频状态，沉浸喺Hubert温柔好声音中。如果“凡人不懂爱”，咁Hubert嘅粉丝一定唔係“凡人”，佢哋可以feel到Hubert歌声中满满嘅正能量与爱意，双向奔赴，一起“役风”前行。

　　役风·share心事

　　Hubert全新巡演主题为“役风Against All Odds”，佢希望大家可以喺遇到困难嘅时候逆流而上，向着目标勇往直前。由“THE DAY”到“役风”，Hubert话自己经历咗好多，成长咗好多，佢想可以通过呢次巡演，同大家分享藏在心入面嘅感受。全新粤语歌已经准备好，歌单中特别加入之前好少唱live嘅作品，至于大家期待咗好耐嘅“腹肌”，要到现场先可以有答案了。胡鸿钧“役风Against All Odds”巡回音乐会-江门站，现在仲有少量余票发售，快啲喐喐手指，上可乐生活官方抖音号抢购。3月21日，Hubert喺江门演艺中心侨都大剧院等你。

　　扫二维码，立即购票