Color马上就要22岁啦！进入生日月之后，我哋陆续会有好多庆生活动。8月第一个周末，热爱音乐、紧贴潮流嘅Color君，携手保持音乐理想嘅“曲词编监唱作协会”CLAPS，举办咗今年首场线下音乐交流会，同高校乐队、音乐爱好者，一起分享创作心得，交流关于音乐的话题。交流会圆满落幕，而Color的庆生活动、CLAPS同音乐共同进步的路才先啱啱开始。

　　郭玮/文   秦丽莹/图

　　有笑有温暖

　　CLAPS音乐交流会喺羊城创意产业园·后车站举行，受邀到场嘅高校乐队，纷纷带上各种乐器到场，架势十足。来自各方嘅音乐同好亦做好准备，期待喺交流会上收获美好。CLAPS会长Dash启动交流会，成员用经典歌、热门歌带动现场气氛，每首作品都充满故事：Clark暖唱《二十世纪少年》，让大家关注身边人嘅爱；Kingsley代表新生代音乐人，用《凡星》鼓励大家相信自己，《用背脊唱情歌》则係佢嘅突破；Cat好中意唱歌，用两首作品诠释对音乐的爱；最后Dash为大家送上Mr.嘅代表作，《想太多》做结尾似乎係特别设计，喜欢音乐不必想太多，目标明确就勇敢往前冲吧。有谂法嘅年轻人需要舞台，Dash就俾机会佢哋现场表演。毕业生们对人生迷惘，Dash提醒佢哋要坚持当初的选择……交流会有欢声笑语，更有满满忠告与指点迷津，一个high five係鼓励、更係祝福，齐声的鼓掌係认可与加油，交流会的这个夜晚充满着温暖。

　　　　CLAPS台上热唱经典　　现场观众反应热烈

　　发展无极限

　　CLAPS里面嘅成员身份多元，这次与Color君携手主办的音乐交流会，係佢哋嘅第一次用有讲有唱嘅方式，与同好交流，对大家嚟讲都係奇妙嘅体验。未来，佢哋都希望可以组织更多形式嘅活动，同各地嘅音乐同好有更多交流。健身教练Clark希望将运动健康融入音乐交流中，摄影师“马仔”希望通过影像让音乐有更多变嘅体现……

　　爱音乐就值得落足100分努力，依家佢哋会做好曲词编监唱作嘅本份，至于未来，则期待有更多人才可以加入，尝试用更多形式展示。又大一岁嘅Color，会同CLAPS一起，继续热爱音乐，不断紧贴潮流，更加享受生活，同大家share每一个美好瞬间。

　　　左二Jason & 右一Jonathan　　Dennis & Kingsley　

　　为爱要坚持

　　睇住CLAPS成立嘅Color君知道，佢哋嘅初衷係希望喜欢音乐嘅人有一个可以交流音乐、分享心情嘅平台，因为始创成员都嚟自澳门，佢哋更希望通过呢个平台，可以让澳门嘅音乐与外地有更多交流。音乐对于CLAPS嘅成员嚟讲，都有不同的意义：有人觉得佢係一个情绪嘅出入口，有人觉得佢可以治愈一切，有成员觉得音乐係一种陪伴，而会长Dash就觉得自己最纯粹简单，希望音乐可以流传落去，陪住所有人一起成长。Dash知道，坚持一样嘢唔容易，但佢都希望热爱音乐嘅人，继续坚持热爱，并享受呢个过程。

　　Dash　　前Clark & 后Derek　　Neriah & Cat