ACTION！chill游八景劲开心

　　2025年“羊城八景”评选名单啱啱揭晓，全新一批广州好景点出炉。中意吃喝玩乐又紧贴潮流时尚嘅可乐君，即刻帮大家设计咗创意无限、贴地嘅Chill玩方式，带大家沉浸式体验羊城靓景，开启潮玩“八景”嘅开心之旅，go go go !

　　策划：骆苹、曾敏妍

　　统筹：曾敏妍

　　执行：郭玮、黄译萱、饶禧、秦丽莹、汤唯闻

　　海珠区文旅供图

　　“小蛮腰”广州塔係我哋引以为豪嘅标志性建筑，亦係广州向世界展示嘅“艺术品”。跟可乐君重游广州塔下嘅“花城”，你会发现人人都有变身“艺术家”嘅潜力，因为喺不同的角度回望广州塔，都可以框出你专属嘅城市靓画。快啲跟住我哋嘅定制路线，喺“塔映花城”中嚟一场艺术之旅啦。

　　郭玮/文 黄译萱、广州艺术博物院官网/图

　　“光影”下尽情嬉戏

　　坐落喺广州塔下嘅广州艺术博物院（广州美术馆）新馆，两年前开门迎客。因现代艺术与建筑工艺完美融合，呢座建筑令广州塔都多咗一份艺术气质。以“水中盛放的英雄花”为主题嘅博物馆主楼，用光伏幕墙打造成花瓣造型，喺光线折射下闪耀灵动。举起相机框住博物馆同广州塔，两栋金属感建筑互相映衬，画面便充满科技与未来感。企喺博物院中庭嘅万花筒天窗下摆pose，阳光穿透玻璃为整个中庭“纹”上花瓣图案；不同时段光线方位变换，花纹亦随之流转，每分钟嘅画面都独一无二。博物院五楼嘅五羊雕像，逆光剪影係不能错过的打卡点……光影下嘅博物院本身就係一件有生命力嘅艺术品，当你置身其中，便成了艺术品中的精灵，每个摆拍姿势都活灵活现，能同不断切换嘅光线尽情嬉戏。

　　“绿洲”里切换风格

　　广州塔高大显眼，同十公里外嘅海珠湿地，简直就係影相嘅“灵魂伴侣”。海珠湿地係市内最大的城央湿地，四季花海、候鸟群飞等绝美自然景观，喺呢度，你会见到花海四季常艳，让广州塔足下生花；用相机捕捉候鸟起飞瞬间，以远处嘅广州塔为背景，构图简洁明快，更有质感；嚟到湿地旁的广州文化馆新馆，传统风格建筑同现代感拉满的广州塔同框，又会有穿越时空的碰撞感……呢个时候，作为画面中人嘅你，无论穿复古年代感的服饰，还是潮酷时尚的穿搭，都可以喺花海、古楼上疯狂出片——穿越四季、穿梭时空，任性玩转时空的艺术之美。

　　广场上放肆“拼贴”

　　搭乘APM线从“广州塔”站到珠江对岸嘅“大剧院”站，一出来就会见到好精彩嘅城市风光。抬头望，花城广场广阔大气，远处嘅广州塔高傲宏伟；环绕广场的广州图书馆、广东省博物馆、广州大剧院，同塔的配合各有千秋。“广图”安静，“小蛮腰”就显得调皮；“粤博”深沉，衬得“小蛮腰”婀娜多姿、楚楚动人；大剧院有气质，从小斜坡探出嘅“小蛮腰”多了几分小家碧玉的娇俏！花城广场就好似一块巨大的画布，每个嚟到呢度嘅游客，都可以成为“塔式” 拼贴画嘅设计师。洪卓立曾经同我哋一起打卡呢份浪漫，用靓景“拼贴”靓仔，成个画面都更养眼。揾啱角度，放肆将景色与广州塔同框，尽情展示个性。