“南沙旭日”集齐山海风光、绿意盎然同人文底蕴。其中，佢最煞食嘅就係坐拥20公里的黄金海岸线，串联起南沙天后宫、蒲洲花园、滨海公园、邮轮母港等大湾区地标，係一条可以欣赏到山、海、城、港嘅浪漫长廊。咁长嘅海岸线有几多种玩法？快啲跟住可乐君，玩转海岸风情宝藏地！

　　饶禧/文 景区官方公众号、南沙区文旅/图

　　坐低慢慢叹

　　拐个弯，就嚟到南沙游艇会，係南沙著名嘅“欧洲小镇”。这里的建筑充满欧陆风情，仲係《美人鱼》《扫毒风暴》等影视作品嘅拍摄取景地。码头停泊嘅係白色帆船，岸上一排排欧洲风嘅建筑群，滨海风景线靓到一影相，就成咗“假装在外国”系列大片。呢度有酒店，亦有好多海景餐厅，一定要坐喺灯塔下，一边叹美食，一边睇海睇船，心情更chill。

　　　南沙游艇会喺《熊猫计划》电影中的镜头　

　　企高望得远

　　南沙拥有纵贯南北嘅黄金海岸，而南沙国际邮轮母港就係海岸线北端的起点。企喺南沙国际邮轮母港的观景平台，眼前见到未来感十足的银色建筑，随手一影都係科幻大片既视感。作为华南地区重要的邮轮枢纽，上到三层观景平台上，可以远远望到珠江入海口，将无敌海景尽收眼底。

　　露营散散心

　　南沙海滨公园绿地多，好适合露营，阳光、沙滩、海风，一入公园就係度假模式。穿过南沙天后宫，来到大角山另一边嘅蒲州花园，犹如到了北欧童话世界。荷兰风车、复古欧式小屋同蜿蜒绿荫小道……每一个角落都有新惊喜。彩色小屋被葱葱绿植环绕，晴天时阳光投射大树洒落草地，光与影交错似足电影画面。坐上网红秋千，着上靓裙靓衫，轻松出大片。想散散心嘅朋友，攞埋张露营椅，呆坐两个小时，呼吸新鲜空气。

　　骑行海风爽

　　南沙滨海公园，曾经係鸦片战争嘅前沿阵地，如今成为广州市以观海为主题的最大型的滨海公园，有“浪漫港湾”之称。公园内有文化园、滨海景观、滨海湿地三大景观区。园内种满名花，海风吹过“花海流动”。喺绵长嘅5公里海滨栈道上，最适合踩单车漫游，沿路有180°嘅海景视野，享受慢活时光。

　　TIPS！

　　附近玩点：

　　1、南沙天后宫：步登上庙宇高处，俯瞰南沙海景。听着近在眼前嘅海浪声，令人不自觉心情平静。

　　2、南沙湿地公园：其实佢喺另一片海边，就好似一块翡翠镶嵌喺入海口，係鸟类们每年迁徙嘅重要停歇站。一年四季都有唔一样嘅景色，值得专门去转一圈。