激情全运会，潮玩大湾区

　　第十五届全国运动会马上要喺广州开幕，大湾区各个比赛场馆都已经升级改造，以最靓仔嘅姿态迎接呢场体坛盛事。除咗睇比赛之外，大家仲可以跟住我哋呢份潮玩指南，打卡场馆、嗨玩周边、丧食美味、全模式玩转粤港澳大湾区。Are you ready，开玩！

　　策划：骆苹、曾敏妍

　　统筹：曾敏妍

　　执行：郭玮、黄译萱、饶禧、秦丽莹、汤唯闻

　　喺即将到嚟嘅第十五届全运会（简称“十五运”）中，天河体育中心（简称“天体”）会作为女子排球比赛场馆，以及举办残特奥会开幕式嘅场馆。由天河机场旧址改建而成嘅天河体育中心，曾经喺1987承办第六届全国运动会，体育中心从此不断发展，周边商圈亦越来越旺。恰逢今年係天河区建区40周年，跟住Color君用多种模式爽玩啦！

　　郭玮/文、图

　　打卡模式

　　为咗迎接十五运，“天体”已经完成部分翻新、改建。中心外围嘅水泥柱换上七彩“新衣”，从远处望，就似为体育中心围上靓靓嘅颈巾，精心打扮好自己迎接四方来客。南广场干净宽敞，全运会吉祥物与倒计时钟牌以天河CBD高楼为背景，特别精神醒目。随处可见嘅“喜洋洋”“乐融融”塑像调皮活泼，有的从草地上探头，有啲花丛中闪现，间中又会乖巧咁企定定，喺各种场馆门口“迎宾”，就算本地居民，行过路过都忍唔住揾佢哋打卡。趁住全运会嘅契机，我哋提倡全民健身，体育中心嘅橡胶跑道已经翻新，你会见到喺蓝绿相间嘅跑道上，积极健身嘅市民个个都精神饱满、神采飞扬，肯定已经操fit自己“备战”十五运。体育中心入面嘅广州保龄球馆已经开咗30年，好啱约埋朋友打翻场“碌龄”友谊赛，运动做咗，但唔会太攰。咪以为体育中心只可以做运动，呢度仲设咗间广州体育文化博物馆，馆内有各种体育主题文物，记录广州体育嘅大事件，最近去参观有文创小礼品送添。

　　玩乐模式

　　“天体”所在嘅天河路，成条路都係大型综合型商场：太古汇、万菱汇、正佳广场、天环、天河城……集购物与餐饮业于一身，中高端品牌旗舰店、年轻运动潮牌都汇聚在此，各种购物节、主题活动、优惠秒杀，活动丰富，令你眼睛很忙、荷包空虚。充满文化气息嘅广州购书中心，最啱读下书、买CD黑胶、睇展览，体验旺中带静嘅写意。夹在天河路同黄埔大道之间嘅六运小区，係广州白领最喜欢嘅地方之一。去广式茶楼禄运茶居，梗係食手工点心；急急脚咖啡公司融合广东粤式文化和美式复古风格，以经典广东食材为元素的“糖水咖啡”系列好顶瘾；Badmarket（坏商店），集合了小众品牌、文创产品同咖啡……饮食同打卡可以兼得。“逛吃逛买”嘅一整日，你玩到好满足，今日见攰，听日又想继续逛，乐此不疲。

　　“吞脬”模式

　　睇比赛好似“特种兵”咁忙，其余时间不如就用轻松愉快嘅“吞脬”模式过。喺广州话入面，“吞脬”（粤语发音：tan1 paau1）是短暂放松、偷闲喘口气嘅意思，在忙碌的工作、生活间隙，抽点时间做些轻松的事，让身心暂时从紧张状态中舒缓一下。例如打工人最爱去公园唞20分钟，同青草绿树互动下，偶尔吞脬，满血复活！从体育中心出嚟，坐BRT可以直达嘅天河公园，已经完成复绿及景观提升工程，成为市中心嘅“天然氧吧”。树荫下散散步，小亭子内歇一歇，去无动力乐园睇小朋友玩耍，跟观鸟摄影爱好者抓拍，再喺湖边吹吹自然风，成个人都relax晒。可乐君办公室所在嘅羊城创意产业园，树林、园林小而美，其中隐藏咗各式各样嘅cafe，随处可坐嘅公园凳，随手出大片，係一个悠闲好hea处。