中山三路旁有一座广州人嘅青春记忆——广东省人民体育场（简称"省体"）。经过焕新嘅体育场今年再次开放，佢嘅绿茵场为全运会U16女子足球赛蓄势待发。无论你係来睇热血赛事，定係逛吃逛玩“充电”，省体都可以畀你一趟满意嘅青春体验。

　　黄译萱/文、图

　　“东较场”大变身

　　“省体”今年嘅大变身，堪称颜值和实力双开挂。呢座场地嘅历史最早可追溯至唐武德元年（当时为练兵场），市民们平时习惯叫佢做“东较场”，翻新后嘅体育场看台换上鲜蓝色座椅，跑道铺上专业级塑胶，连草皮都养护得油亮诱人。体育场每日早上7:00到10:00和晚上6:30到9:30对市民免费开放，晨运嘅伯伯打太极、夜跑和散步嘅人群各行其道，呢度嘅健身氛围和谐又融洽。场馆外嘅变化更暖心：通透嘅英雄广场让大人细路肆意挥洒汗水，门前高低错落嘅无障碍人行道丝滑直达体育场，坐喺绿树花圃围绕嘅共享活动区睇书、倾计，不知几咁写意。地铁12号线已经贯通呢度，缩短大家”赶场“嘅时间，从烈士陵园站出站5分钟就可到赛场。

　　潮流地跨次元

　　场内玩运动，场外玩潮流！从“省体”西门出去右转，英雄广场係滑板爱好者嘅聚脚地，地王广场承包你嘅二次元DNA。曾经嘅时尚潮流商场，依家变成年轻人嘅”吃谷天堂“，玻璃柜中摆满各种各样嘅二次元周边，你钟意嘅角色随时用海报、立牌嘅形式同你wink；能定制cos服嘅小众工作室林立，帮你圆成为主角嘅梦。喺二次元浓度咁高嘅地方，热血运动番嘅爱好者唔会少，揾个同好一起煲剧倾剧情啦！周末还能偶遇随机宅舞活动，同coser举着应援牌一起嗨，空气中都係热血的味道。呢度步行到“潮到风湿”嘅东山口，也就10分钟左右，红砖墙里嘅时尚装潢吸引相同磁场嘅潮人，潮牌店挂起最新潮嘅运动风，古着小店藏着vintage球衣，咖啡店嘅霓虹灯牌闪着"今日营业"，随便拍张照都能在朋友圈收获99+点赞。

　　吃喝玩乐“直落”

　　玩攰咗就放慢脚步，去中华广场叹叹空调，搭上载住80、90后回忆嘅玻璃观光电梯，带你睇戏、食饭、行街直落啦！最近，呢度嘅永辉超市升级变身“胖永辉”，可以体验时下最hit嘅超市美食；绿茵阁、博多一幸等食肆，仲係大家从细食到大嘅味道；天台篮球场睇住靓景打波，俯瞰省体和日落同框。藏身社区嘅美食肯定有返两道散手，较场东路和较场西路旁嘅旧社区街道，从以前岩岩巉巉嘅街道变得平整宽阔，居民楼下不少"宝藏小店"：大华美食嘅干炒牛河镬气足，甘榜小店嘅东南亚汤粉便靓正，阿婆糖水一直係街坊熟悉嘅味道，穗银肠粉店肠粉品种多，用料又实在……暮色中，坐喺路边摊一边叹美味，边听隔篱台讲八卦，都係属于广州的烟火气。