|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
一场疫情，令我哋嘅生活发生好大改变，连过年嘅习俗，都要变一变。以往好多我哋习惯要做嘅嘢，而家会有D咩唔同？改变之后，你又习唔习惯呢？不如今年新春，齐齐验证一下啦！ 张杰玲/文 姚舜瑜/图 行花街 Before：为着趁墟 每年嘅花街，除咗有花卖，仲有劲多新春搞怪商品。除咗买花装饰家居，好重要一点係去“趁墟”，感受一下花街浓厚嘅节日气氛。有D人仲会特登着新鞋，攞住个风车行一圈祈求新一年可以“转运”添。 After：预订鲜花 今年人逼人嘅地方都係少去为妙，要买花、买年桔嘅话，提早预订就ok，唔使去花街同人争崩头，轻轻松松坐定定等收货就得！想要“转运”，都可以买个风车，着对新鞋落街，去空旷D嘅地方转一转。 办年货 Before：超市疯狂扫货 大时大节，屋企人仿佛都会突然变得超级豪爽，去到超市猛咁扫货。虽然一开始只係谂住买D过年相关嘅嘢，增添一下节日气氛。不过有时未必啱使嘅嘢，可能因为见到开心，或者咁啱有新春包装或者打折，都会好爽手咁买埋一份。 After：上网落单就够 人同人之间减少咗来往，新年期间屋企唔使招呼咁多客人，要买嘅嘢自然都少D，无形中又悭咗一笔！而今年要买年货，都未必要出门，一班长辈经过一年嘅网购练习，都已经可以非常熟练咁上网买年货啦！ 贴挥春 Before：最紧要发达 每一年嘅挥春，无非都係嗰几味。比如话“恭喜发财”“万事胜意”“龙马精神”“年年有余”等等，其中“恭喜发财”简直每家每户都会拥有。而特别D嘅，会入手当年生肖相关嘅挥春，“猪笼入水”“马到功成”等等都好常见，隔12年又可以重复用，好环保。 After：祈求平安健康 经过一年时间，大家都体会到平平安安健健康康嘅重要性，所以新嘅一年，大家都会更like同佢哋相关嘅挥春。例如“出入平安”“身体健康”等等，应该会成为今年挥春大热！当然，咁唔代表“恭喜发财”就out咗，佢嘅地位依然好高。 洗邋遢 Before：求其应付 “年廿八，洗邋遢”。无论係咪年廿八呢一日都好，大家都会喺新年前，同屋企进行一场大扫除。就算係一年到头比较懒搞卫生嘅人，都会愿意应付一下，执一执张台，扫一扫个地，等自己有D仪式感。 After：认真打扫 大家呢一年已经习惯咗，同酒精、消毒液等消毒清洁用品做好朋友。新嘅一年，佢哋又点会缺席？今年大扫除，唔止执嘢扫地咁简单，仲要认认真真，抹干净屋企每一个角落。咁样过年，先至神清气爽，安心舒适。 团年饭 Before：出门食餐劲 每一年团年饭，都係大家最着紧嘅一餐，成年冇见嘅亲戚都会俾面出嚟聚一聚。而基本上比较好嘅酒楼餐厅，都会坐到爆晒棚。如果唔係提早book位，分分钟食西北风。另外，呢一餐都係有咁丰盛得咁丰盛，鸡鹅鸭，鱼虾蟹，当然唔少得“发财就手”！ After：宅家自己煮 今年团年饭，自己一家人齐齐整整，温馨小聚，其实都係唔错嘅选择。又唔使book位，又唔使赶住食完俾下一轮入席，佗佻好多噶。而且喺屋企自己煮，可以少盐少油少糖，食都食得健康D！ 买新衫 Before：习惯性买新衫 过年买新衫，係每一年嘅常规操作。唔理你究竟係咪缺衫着，抑或屋企D衫其实已经多到爆棚，反正过年嘅时候大家就会变到“不可理喻”，点都要买新衫。而且因为係过年，通常大家都好自觉买红色衫，等自己化身利是封，够晒喜庆。 After：揾返上年件衫 上年因为疫情，好多人D新衫都冇机会着出街。尤其是广东地区嘅朋友仔，过年通常都係买冬天衫比较多，但係到“重见天日”嘅时候，天气又慢慢开始热，所以D“新衫”，唯有继续放置，等到今年再揾返出嚟着咯。
