|
|
|
|
|
|
|
|
|
|
|
|
|
|
|
|
|
|
|
|
|
|
|
睇展感受本土文化 |
|
|
|
|
|
游客最爱打卡铜壶滴漏 |
|
|
周围都係手信店， 购物送礼超方便 |
|
|
|
|
|
又一个实现日啡夜酒的地方 |
|
|
|
|
|
承载老广记忆的街道 |
|
|
到此必游，超人气书店钟书阁 |
|
|
|
|
|
各式各样的潮牌集合店 |
|
|
沿路可通往粤剧艺术博物馆进行参观 |
|
|
|
|
|
既有宁静闲适，也有繁华热闹 |
|
|
|
张杰玲/文 姚舜瑜/图 虽然过年唔提倡出外旅行，不过留喺广州，都有好多地方值得一游！常年居住喺广州嘅朋友仔，可能觉得自己好熟悉呢个城市，冇咩新意，冇咩好行。其实近年来，老城区嘅发展十分迅速，一D老旧街区经过改造，早已焕然一新。各式各样嘅新潮店铺，更加为旧城区注入强劲活力。传统与新潮齐齐“踩过界”互相交融，令老城区更加夺目，更加吸引！趁住过年，不如带埋屋企人来一场精彩嘅本土之旅，一齐重新认识广州嘅老城区啦！ 北京路 千年商业街焕发新生 北京路係广州城建之始所在地，亦係广州历史上最繁华嘅商业集散地，承载着我哋老广一代又一代人嘅记忆。2020年，北京路经过升级改造后，整片街区焕然一新，更加阔落，更加清爽，行街都行得舒服好多！呢度仲有多个新旧网红打卡点等住你，新年当然要嚟逛一逛，见识一下焕发新生嘅北京路啦！ 吃喝玩乐一条龙 北京路商圈嘅惠福东路、文明路、教育路，条条街都开满各式各样嘅美食店。无论你想食本土嘢，抑或异国风情美食，呢度通通满足到你！饮饱食醉，又可以去周边各大影院，同亲朋好友睇返场戏，认真过瘾！除此之外，呢度仲有大大小小嘅商场店铺，为大家提供丰富嘅“剁手”机会。周边各个体现本土文化嘅展览，都非常值得一看！ 永庆坊 朝叹晚蒲in西关 永庆坊一期，呢几年已经迅速成长为广州数一数二嘅网红打卡点。如今，二期亦逐步完善，进驻咗好多新潮嘅咖啡店、酒吧、餐厅以及小食店。佢哋嘅环境设计上，好多都融合咗本土文化元素，喺复古嘅同时，呈现出新嘅趣味。另外，永庆坊亦都为西关呢片地区，带来咗新嘅生活方式——“朝叹晚蒲”。以前大家多数选择白天过嚟游览，感受下西关风情。如今从白天直落蒲到夜晚，都唔怕寂寞！ 东山口 文艺潮流踩过界 以前讲到东山，不少人只知与文艺挂钩。睇历经风雨嘅文艺小洋楼，参观不同主题嘅艺术展览......今时今日，东山口呢一带，已经唔止文艺咁简单，仲多咗份新潮前卫嘅气息。喺庙前西街，已经陆续开咗好多间潮牌集合店。衫裤鞋袜样样嘢都型到爆，话东山口係后生仔嘅“衣柜”，一D都唔过分！而另一端嘅庙前直街、龟岗大马路、署前路，路边一间间市井小店，又能够令你体会到老广人情味。
