![]() |
|
![]() |
|
![]() |
|
![]() |
充满农家风情的就餐场景 |
![]() |
现场啫煲香气四溢 |
![]() |
洞庭脆皮鸡 |
![]() |
洞庭土鸡汤 |
![]() |
咸蛋黄啫鸡中翅 |
![]() |
野山椒啫嫩牛肉 |
![]() |
|
![]() |
|
![]() |
|
![]() |
鲍鱼焖焗稻谷鸡 |
![]() |
|
![]() |
|
![]() |
INS风环境叹大排档风味 |
![]() |
健康与美味并存 |
![]() |
咸蛋黄焗罗氏虾 |
![]() |
|
![]() |
由不同果蔬变身而成的素菜 |
陈群顺/文 姚舜瑜/图 2020再难过都已经过去,餐饮业从下半年至今亦逐渐回暖,好多人都恢复返出街食饭嘅热情!不过,人多聚集,当然係可免则免,所以2021嘅团年饭,我哋都係建议大家留喺屋企,温馨度过。而时下嘅餐饮店,外卖外带方面,都已经做得比以往更好。今年团年想食特别一D,不妨考虑外卖外带!呢次我哋会介绍几间特色菜馆俾大家,睇下佢地啱唔啱你心水啦! 过瘾湖南风味菜 菜馆内多款美食都有实物展示,大家睇啱边样,可以攞起菜品旁边嘅竹签进行落单。鸡蛋、青菜、腊肉等多款食材,係从湖南运送到广州,为嘅就係还原地道湘味。钟意食辣嘅朋友仔,嚟到呢度包你辣得过瘾!除此之外,清润浓郁嘅招牌洞庭土鸡汤,以及香脆可口嘅洞庭脆皮鸡,呢两款唔辣嘅美食,都十分值得一试! 室内农家市集 洞庭土鸡馆始于2001年,主打各式湘菜。门店升级之后,整体焕然一新。如今两层楼都係仿照农家市集去进行设计,为求打造出独特嘅就餐场景。店内一景一物都制作得十分细致,处处都係打卡位!另外,一楼更摆放着多款湖南农家特产,顾客可以任意选购,返到屋企都可以享受湖南滋味! 店名:洞庭土鸡馆 地址:广州市天河区天寿路31号江河大厦2楼 营业时间:周一至周日11:00-14:00;17:00-21:00 INS风粤菜茶餐厅 始于1993年嘅“网红”大排档麒麟阁饭店,曾经係江南西最有烟火气嘅美食店之一,亦係好多老广嘅“御用饭堂”之一。如今老店升级,成个环境焕然一新,带俾大家更多惊喜。现时门店楼高两层,以莫兰迪色为主调营造高级感,再以绿植搭配白墙。整体摇身一变,成为INS风粤菜茶餐厅,环境超啱打卡啊! 重现大排档风味 升级之后,餐厅环境固然係一大亮点,不过最重要都係美食出品!嚟到呢度,大家可以品尝到各款精美茶餐厅美食!味道经典,造型升级,带俾你更grand嘅感受!除此之外,大家又可以重温一道道大排档风味,鲍鱼焖焗稻谷鸡、咸蛋黄焗罗氏虾……各式各样嘅地道风味美食,应有尽有,食得过瘾! 店名:广沁麒麟阁·精致粤式茶餐厅 地址:广州市海珠区江南西路56号 营业时间:周一至周日10:30-次日02:30 新中式型格啫煲店 佛山岭南天地新开嘅一间啫煲专门店,环境采用新中式风格,将岭南特色同新潮元素融为一体。墙身同装饰上,黑、金、红三色互相辉映,整体非常型格!店名“识嘟”亦相当有意思,原来有D外地嘅朋友,会将啫啫煲误读成“嘟嘟煲”,所以用“嘟”字等佢哋睇到有种亲切感。另一方面,“识嘟”喺粤语中有好识做人,十分懂行嘅意思,亦代表着门店做啫煲好掂咁解! 选择丰富的新派啫煲 门店唔止带俾大家经典啫煲,就连牛舌、带子等平时好少用到“啫”呢个做法嘅食材,都有得啫!另外佢哋啫煲采用咗新派做法,高温炮制食材嘅同时,依然可以保持食材不粘锅。而一楼半开放式嘅厨房,可以俾食客睇到啫煲嘅制作过程。红红火火嘅画面,加上砂煲里面发出嘅滋滋声,瞬间令人食指大动! 店名:金系·识嘟新派啫啫煲 地址:佛山市禅城区祖庙街道岭南天地文会里13号 营业时间:周一至周日11:30-22:00 CBD劲抵蔬食自助餐 新年未必要大鱼大肉,食素都係一个唔错嘅选择。天河北呢边新开一间蔬食专门店,地点好近地铁站,交通方便。虽然餐厅地处黄金地段,但人均消费只需三四十,真係劲抵!丰盛嘅蔬食自助餐,健康与美味并存,无论大人细路都咁啱食!付费后店员会提供餐盘,餐具係自助取用,现场菜品任拣任食,性价比超高! 百多款美食任君选择 时下食素越来越hit,素食嘅花样都越来越多,满足不同人嘅需要。而餐厅呢边所提供嘅素食餐品,都有过百款咁多噶!中西日式样样齐,而且从各款大菜,到小型嘅蒸品、甜点,仲有炖汤、果汁等等亦一应俱全。出品低糖、低盐、低油,却依然保留食材嘅色香味,喜爱素食或者想尝试素食嘅朋友仔,不妨一试! 店名:大爱蔬食健康料理馆 地址:广州市天河区天河北路181号101铺 营业时间:周一至周日11:30-14:30;17:30-20:30 鲍鱼焖焗稻谷鸡