|
|
|
|
|
|
|
|
|
|
|
|
|
|
|
张杰玲、彭维晖/文 姚舜瑜/图 单身人士最怕过年俾三姑六婆逼婚，但其实拍拖嘅、已婚嘅都唔好过。一到过年就意味着平日见唔到嘅亲戚，各个都会涌上来了解你、关心你，同一屋檐下咁多人，难免会有各路奇葩事出现！到最后自然就会演变成一场“大龙凤”，各位係如何用“演技”度过呢个难关嘅？ Fiona：“微信被家婆拉黑！” 我家公家婆绝对係有被害妄想症，结婚之前好地地，结婚之后开始各种嫌弃我，仲要唔当面同我讲，次次都静鸡鸡洗脑我老公，话我係为咗分佢哋家产先嫁俾佢，好彩我老公次次事后都会即刻同我报告，唔係我都唔知！因为我要上班，老公待业中，家婆成日会趁我上班嘅时候偷偷地去我屋企搵我老公倾计，每次事后我都会好嬲，但只敢同老公发泄。因为平时都好少交集都无咩，点知过年佢哋都唔肯同我一齐食饭，我谂住做后辈要大度d，用微信谂住发红包同祝福俾家婆，个一刻先发现原来佢拉黑咗我！喂，呢个年点过啊！ 小Luuuu：“究竟仲有几多亲戚？” 因为我结婚之后一直係同家婆家公一起住嘅，所以第一年过年嘅时候，都无谂到会有咩特别野搞，估计就係例牌出去吃饭。点知过年期间，我屋企人好心话同亲家一起聚下吃餐饭，就叫我问下家婆时间。当时因为我哋仲有个远房亲戚都喺度，就谂住一齐吃。我家婆知道之后，就开始打电话俾佢d三姑六婆，话要叫埋佢d亲戚一齐来，我屋企人知道之后又唔愤气，“你叫我又叫”，于是本身就一围台可以搞掂嘅，搞到差d两围台都坐唔晒。而我就只可以行“微笑路线”，见到老嘅就话长寿，见到细嘅就话可爱，其实根本分唔清你边位。吃个饭嗟，究竟仲要来几多亲戚啊？ Dora：“过年吃饭不要太放肆了” 过年第一次去男友家。听男友提起过，佢老豆有四兄弟七姊妹，係大家族。本身自己就好吃得，又点吃都唔会点肥。我真的从年初一吃到年初四，各种探亲各种吃。可能这几天都太开心了。晚上男朋友话想要，当一切都按流程走嘅时候。我突然“啊”一声，男友摸着我的小腹部话“点解好似肿咗？”。瞬间咩心情都无了。第二日，马上睇医生抽血、拍片、b超各种摸。最后排除了肿瘤的可能性。“唔喺肿瘤，咁喺咩？”这一问我终生难忘。医生话呢个所谓嘅肿块，可能是shit！我嗮几百蚊去医院检查出一坨野。我同男朋友讲唔好讲这事情讲出去，次日，我就收到闺蜜热心的问候了…… 五彩火鸡：“电影和小说都是骗人的” 有年新年搭大巴翻乡下，路上身体不适呕到七彩，旁边有个靓仔见我唔舒服一路上都好主动咁照顾我，途中发现，原来佢都係同我一条村嘅，于是我哋变得超好倾，仲约好新年期间一齐出来，佢仲话要带我去佢屋企串门，但落车告别之后，我微信搵佢，佢都冇复过我，直到初三晚黑突然搵我，问我初四得唔得闲去佢屋企食个饭，我话ok冇问题。于是第二日中午我就执到好靓咁过去，去到佢拉住我同佢屋企人讲，话我係佢女朋友，我当场吓亲，但件佢屋企人咁热情就冇讲咩，亲戚长辈仲问几时结婚，好尴尬，但又有d小激动，我桃花突然来了？饭局聚会之后佢送我翻去，到我屋企楼下揽咗下我，然后喺我耳边讲咗句“sorry，其实我同你係姊妹”，我成个人懵咗！ 由里子：“过年要整翻个人设” 跟老公翻佢屋企过年，最惨嘅就係翻乡下见d远房亲戚，真係听唔明佢哋讲咩……好在我老公屋企人都对我几好，知道我听唔明，会企喺隔离翻译俾我听，同时有d咩特别嘅讲究，佢哋都会话俾我知，带住我做。问题係当佢哋忙紧其他野，得我一个人嘅时候，就真係要考演技了，基本上我就“嗯嗯”或者微笑，但遇到疑问句我就真係无办法，只可以求救场外。后来我同老公讲，不如你帮我整翻个“人设”，就话我“不善言谈”，平时性格极度内向，见到陌生人会怯。虽然好夸张，但估唔到都几有效果，亲戚终于会唔对住我问野了！
