|
|
微信小店 |
|
|
淘宝小店 |
|
|
中国邮政微邮局 |
|
|
背景就够晒colorful，pose当然都要够浮夸！ |
|
|
咁多封面人物，梗有一个啱你心水，隔空合照get√ |
|
|
睇报纸睇到入晒神，文青味即时渗出嚟！ |
|
|
同声同气，自然埋到堆！ |
|
|
扮攞报纸，不经意得嚟，仲可以show off你嘅三七面 |
|
|
|
|
|
想留言嘅朋友仔记得要带笔啊！ |
细细个嘅时候，拿到零用钱嘅嗰一刻，你会用来买咩？有人买零食，有人买玩具，但总係有啲同学仔，会即刻冲去报亭，买自己中意睇嘅杂志同公仔书。呢几年因为新媒体嘅兴起，有部电话就已经可以搵到各类嘅新鲜资讯，报亭嘅作用越来越细。不过，世事冇绝对嘅，报亭都可以有好多新玩法噶！今次Color就联同地王广场，为大家打造全广州唯一一间自助式购买嘅“Color专属报亭”，各位Color fans仲唔快啲过嚟打卡！ 彭琳/文 罗振威/图 许家铃/模特 撑粤语，我最掂！ 咁多年嚟，可乐报一直都坚持用粤语写作，每期仲有新奇又盏鬼嘅“粤语课堂”准时同大家见面，可以话粤语就係Color嘅标志！今次我哋特别喺地王广场附近，推出呢间Color专属嘅报亭，门面上就梗係唔少得代表住Color嘅粤语文化啦！“静鸡鸡”、“蛇王”、“猪头炳”呢啲大家成日讲嘅词语，喺呢度都可以搵到，之后我哋仲会定期换唔同嘅粤语词汇，务求带畀大家最fresh嘅体验！ 无人售卖，够晒free！ 嗱嗱嗱！影完相你就想走？嚼完松係唔可取噶！话晒呢度都係全广州第一间自助式畀钱嘅报亭，咁方便，大家一场嚟到，点可以唔买翻份！买最新出嘅嗰期又得，买你中意嘅idol做封面嗰期又得，得咗！扫完货，大家不妨行去喺报亭两边嘅留言板，写低你嘅想法，只要係你哋写低嘅，我哋都会收到噶！ 影相打卡，冇难度！ 喺呢个报亭，新旧可乐报通通有！身为fans嘅你哋，想影怀旧风嘅相po上网？随手拎起一份往期嘅可乐报，出嚟嘅成片绝对够晒Classic！报亭仲挂咗唔同款式嘅风车，攞嚟做道具同样一流！担心晏咗过嚟影相唔够靓？放心啦，我哋仲准备咗成串嘅灯饰，一到夜晚开着佢，灯光闪闪仲抢镜啊！ 《可乐生活》专属报亭 地址：较场西路地王广场西门户外平台（近中华广场） 开放时间：12:00-19:30 全年订阅可乐报好easy！ 除咗去专属报亭打卡之外，你都可以轻松喺屋企就get到全年嘅《可乐生活》！只需要￥60蚊，每个月新鲜滚热辣送上门！ 1、长期订阅方式 （*以下方式随邮局派送到家庭信箱，请确保信箱能正常使用） ①通过中国邮政派送 进入中国邮政微邮局→在主页菜单中选择“报刊订阅”→输入《可乐生活color》或邮发代号：45-155→即可自由选取时段进行订阅！ ②通过金羊发行订购 拨打电话（金羊发行公司）：020-8713 3333→直接向对方表示需要订阅《可乐生活Color》，留下联系方式即可 2、单期购买 （*以下方式将以快递的形式寄送，请确保联系电话畅通） 微信小店：可乐生活COLOR小商店 淘宝小店：羊晚生活馆
