|
|
腌制完再切丝嘅笋果， |
|
|
地道嘅广西腐竹，炸过再切片，又薄又脆 |
|
|
炸过嘅芋头，吸收咗汤汁之后，每啖都浓郁而香糯！ |
|
|
|
|
|
带皮鸭脚鸭脚煲螺蛳粉 |
|
|
|
|
|
|
|
|
麻辣全家福嘅汤底够和味，一啖汤一啖粉，认真过瘾！ |
|
|
想食清淡啲嘅可以试下呢款鲜肉螺蛳粉，肉片腌制过都几入味噶！ |
|
|
有齐牛肚、锅烧、肉片、螺蛳嘅全家福干捞，大碗又抵食，料咁多，记得捞匀再食！ |
|
|
|
|
|
|
螺蛳粉呢样嘢，就好似葱、芫茜咁，中意嘅人点食都唔厌，唔中意嘅，离远闻到味就已经走夹唔唞。螺蛳粉店同普通小食店一样，都係行市井路线，大热天时去嗦粉，汗臭加埋螺蛳粉嘅酸臭，真係有啲劝退。到底嗦粉呢家嘢，有冇办法企理啲？下面介绍嘅两间店就一定合晒你心意啦，就算拍住拖去食都唔惊啊！ 彭琳/文 彭琳、钟珊/图 那家螺蛳粉·煲火锅1号店 地址：广州天河区体育西横街54号 营业时间：周一至周日10:30-23:00 鸭脚螺蛳粉煲，广州首创！ 呢间位处于闹市嘅螺蛳粉店，睇落铺仔细细，但入面嘅格局就一啲都唔嘢少。白墙木枱，简洁feel嘅装修风格，睇落就好企理。当然啦，比起店面嘅装潢，呢间铺头最大嘅卖点梗係佢哋招牌嘅螺蛳粉鸭脚煲啦！将广西地道嘅鸭脚煲crossover螺蛳粉，呢件事绝对係广州首创！身为柳州人嘅Tom嫂，对汤底严格把关，除咗标配嘅猪骨同螺蛳之外，为咗迎合广州人对鲜味嘅追求，佢哋仲加咗原只鸡去熬煮，一啖落肚，浓郁鲜甜嘅感觉充斥你嘅口腔。而精心烹调嘅带皮鸭脚，绝对呢煲螺蛳粉嘅灵魂！鸭脚螺蛳粉之所以比较少见，皆因处理费时，清洗、油炸、焖煮全部都要时间。咁样处理过嘅鸭脚轻轻一吮，就已经骨肉分离，外皮保留咗炸过嘅香脆口感，而肉质就吸晒啲汤汁。 酸笋係螺蛳粉嘅酸臭来源，为咗保证味道正宗，Tom哥选用咗原只腌制嘅笋果，一轮边炉落嚟，笋嘅酸臭味已经融入汤底，食落口反而可以试到笋本身嘅味道。煮到咁上下，就可以放入螺蛳粉，呢个时候汤底已经混合每种配料嘅鲜味，然后再嗦粉，味道比起普通螺蛳粉更丰富！如果一煲鸭脚煲太大惊食唔晒，呢度亦有单点嘅螺蛳粉，中午放饭过嚟嗦翻碗粉，即时精神翻晒嚟！ 讲地道，大学城至HIT呢间！ 呢间开喺大学城嘅锦桂螺，位于商场嘅熟食中心，因为佢哋出品嘅螺蛳粉味道够晒酸、臭、鲜，大学城嘅学生都超捧场，所以旧年仲係大学城入面开埋分店添。之所以味道咁正宗，皆因两位主理人都係广西柳州人，自细就嗦粉嘅佢哋表示，喺广西斋係汤底嘅配方起码都有二百条以上，而佢哋为咗增加汤底嘅鲜味，选材嘅时候亦都落足本钱，猪、牛、鸡、螺统统有齐，绝对係真材实料！ 为咗保证每碗都係地道嘅柳州风味，螺蛳粉嘅配菜，好似酸笋、酸豆角、腐竹等，全部都係由广西新鲜运到。足料熬制咗3粒钟嘅汤底，配合地道嘅配菜，同粗幼合宜嘅螺蛳粉，酸、辣、鲜、爽嘅滋味随即係口腔蔓延。虽然闻落酸臭，但一啖食落口，真係停唔到口噶！通常用嚟熬制汤头嘅螺蛳，最后都唔会上枱，因为螺蛳嘅鲜味已经全部喺晒汤底入面，呢个亦係点解成日有人话“螺蛳粉冇螺蛳”嘅原因。 而锦桂螺就反其道而行，佢哋嘅全家福螺蛳粉入面，大家可以试到啖啖嘅螺蛳肉，加埋爽脆嘅花生、木耳、酸豆角，劲有嚼头啊！汤底係熬煮嘅时候已经加入咗辣椒，所以汤底多少都会带有微辣，食唔到辣嘅朋友，呢个时候，你需要一支豆浆啦！喺广西，豆浆加螺蛳粉，绝对係嗦粉人嘅perfect match！ 锦桂螺螺蛳粉 地址：广州市番禺区广州大学城GOGO新天地3楼 营业时间： 周一至周日 10：30-21：30 地址：广州大学城外环西路230号广大商业中心A区一层A1021 营业时间： 周一至周日 10：00-22：00
