|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
谈情说爱就唔係人人都有天分嘅，有啲人可能样貌未必出众，但就追求者不绝；反观有啲睇落条件唔差嘅，硬係冇乜机会开斋。问题到底出係边？不如做个测试睇下啦！ *配图来自电视剧《我家的女儿交不到男朋友》 测试问题： 当你处于感情嘅试探阶段时，你会主动show off吗？ A、唔表现自己点会有人留意啊？梗係会啦! B、间唔中都会嘅，不过都讲唔埋 C、都係睇心情啦，如果嗰日有mood都可以试下嘅 D咪搞，呢啲嘢唔啱我 A 情场鬼见愁 不嬲都识得点喺人前表现自己嘅你，想拍拖，喐下手指就有大把人过嚟排队。皆因你唔单止会主动展示自己嘅魅力，你仲知道点样做先係恰到好处，无论边方面都可以拿捏得好好。做得咁好，梗係多人中意啦！ B 唔太出众，需要静候佳音 讲到show off自己，你都真係几随缘下，但积极表现又点会喺其他人心目中留低深刻印象呢？唔熟悉你嘅人，未必会花心机去了解你。好彩你都唔算特别心急嘅人，感情嘅嘢可以慢慢嚟，总会有人主动行近你嘅，不过要几耐就难讲啦。 C情路可能会比较坎坷 对于表现自己，你就好睇心情，但笋盘嘅嘢，係唔会因为你嗰日嘅心情而停留，miss咗就要再等过。走宝都事少，畀人觉得你难以接近就大剂啦。有好嘢就唔应该收收埋埋嘅，不妨畀人睇下，桃花咪自然有咯。 D感情路上持续撞板 喺感情世界入面，你有啲不受待见啵。惯咗高高在上嘅你，大家见到你都调头走，到你想行近人哋嘅时候，惨食柠檬都唔出奇。唔想变到神憎鬼厌嘅话，咁你就要反省一下自己啦，唔係大家都好难对你改观。 不动声色嘅暗恋，係最好嘅保护？ 暗恋呢家嘢，相信大家都有试过。有啲星座嘅人会直接讲出嚟，费时拖泥带水；但都有唔中意直接表露出嚟嘅星座，偷偷爱你先係佢哋认为嘅万全之策。 *配图来自电视剧《单恋美食家日记》 金牛座：暗恋时期要睇定啲先 追求稳定係金牛座嘅最大特点，对人动情之后，金牛首先需要嘅係时间，佢哋需要慢慢判断到底呢个人係咪可以稳定发展。所以贸贸然表白呢啲嘢，金牛係唔会做嘅，事关喺未确定对方嘅答案之前，任何冲动嘅决定都会破坏原有嘅稳定性。正所谓一动不如一静，金牛座会观察耐啲、了解多啲，再谂下之后应该点做。尤其冇办法确定对方係咪都中意自己嘅时候，倒不如继续观察，静待适合嘅timing。 水瓶座：默默地对你好 出名理性嘅水瓶座，就连对待感情都一样係攞得起放得低。爱情对于佢哋嚟讲只係生活嘅一部分，所以大胆示爱呢啲，喺水瓶身上发生嘅几率并唔大。水瓶唔係一个会主动干预人哋生活嘅人，平时亦都唔会过分去关心或了解另一个人。若然水瓶真係对一个人心动，佢会时时刻刻都会关注呢个人嘅动向，亦都会主动咁去帮嗰个人。但无论点样，水瓶座都唔会畀对方发现，佢哋一定唔会好明显地表现出嚟。 处女座：先自我拣择一轮再讲 处女座嘅人对于生活嘅方方面面都讲求完美，就算佢哋对人动咗心，都要先自己喺脑度交战一轮，睇下係咪真係合衬先。对比一下双方嘅条件係基本嘢嚟，万一发觉中意嘅人优点超多，处女座嘅人就会开始自卑，更加唔敢有所表示。追求完美嘅人，通常都中意留意细节。当你发觉身边嘅处女都几了解你，而你有对佢又有好感，就要注意翻个人嘅形象啦，事关当处女留意嘅过程发现你有唔妥，佢哋要转舦真係话都冇咁易。 摩羯座：对于中意嘅人容易谂得太多 中意一个人就会开始乱谂嘢？呢句说话用嚟形容摩羯座就最啱啦！虽然摩羯座一向都係少说话多做事嘅人，但讲到谈情了喔，佢就唔单止少说话，连做都会少埋。皆因摩羯座对于中意嘅人，容易谂太多，亦会担心对方点睇自己。当然啦，点抑压都好难话完全唔搵嗰个人，所以到最后摩羯座都係会出手，而且一旦认定咗对方，就唔会轻易改变。不过如果对方冇即时回应佢，摩羯座又会陷入乱谂嘅漩涡，甚至乎仲会怀疑自己，甚至选择放弃。
