|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
谍战题材嘅影视作品大家就见得多啦，不过国师张艺谋都係第一次执导呢类题材。话晒都係谍战片嘅处女作，所以决定咗定档五一之后，大家都睇好佢将会剑指五一档票房冠军！今次呢部戏，斋係演员阵容就好大阵仗，于和伟、张译、朱亚文、秦海璐等实力派演员都有份参演。几条预告片睇落嚟，大致可以feel到成个氛围都好紧张，角色之间亦势均力敌，睇到超肉紧！虽然海报同预告片已经释出，但演员对应嘅角色依然未开估，留待大家去戏院睇再揭盅啦！ 三分天下？ 悬疑片攻占五一档 彭琳 /文 图片来自剧照 年年一到长假期，就会劲多电影排住队上画，单係月头嘅清明档，就已经创下过7亿嘅票房纪录！电影势头咁好，嚟紧嘅五一梗係食住上，截稿前已经有十部新片等住上映了。暂时比较多人期待嘅新片之中，《悬崖之上》、《古董局中局》、《秘密访客》呢三部悬疑题材嘅就尤其吸睛，全部都有大卡司坐镇，都真係好难拣啵！ 《秘密访客》 两大影帝同场飙戏 斋睇电影海报就已经feel到呢部戏嘅诡异氛围，郭富城一家四口加埋秘密访客段奕宏，每个人睇落都心事重重。戏入面饰演两姐弟嘅张子枫同荣梓杉，喺《唐人街探案》同《隐秘的角落》都有令人惊艳嘅演出，今次两位“表里不一”嘅细路联手出演，相信呢两姐弟应该都暗藏黑暗面。郭富城、段奕宏两大影帝嘅合作，相信都係大家好期待嘅画面，再加埋许玮甯饰演嘅凶狠人妻，真係好新鲜嘅搭配。海报嘅slogan就係“欢迎回家”，睇到呢个势，大家又有冇兴趣一齐“回家”感受下呢？ 《古董局中局》 陈年古玩秘史 呢部电影其实係改编自马伯庸嘅同名作品，相信睇过小说嘅朋友，应该会几期待。一尊佛头文物引出一个古玩迷局，雷佳音、李现、辛芷蕾、葛优四个人全部都牵涉其中。电影发布嘅海报就隐藏咗电影嘅主线：四张图拼埋一齐就会见到完整嘅佛头，所以要知道迷局嘅真相，关键就係佢哋四个，缺一不可。剧组为咗展示一个真实啲嘅古玩世界，所以特登借咗31件真实古董。再加埋有葛优坐镇，几位实力派演员，呢部戏好大机会成为五一档嘅黑马！
