|
|
|
|
|
|
|
|
榄有文化牌匾 |
|
|
|
|
|
|
|
|
|
|
|
花舫船榄雕作品 |
|
|
制作过程：学生喺老师嘅协助底下，顺利完成榄雕挂饰制作嘅最后一步 |
|
|
粗胚制作：欧志平老师正着手制作花舫船粗胚。 |
|
|
榄雕常用工具展示：呢啲全部都係电动刀具会用到嘅刀头，每款都有各自嘅用途，用嚟配合唔同嘅榄雕手法。 榄雕原材料和常用工具 |
|
|
|
|
|
|
|
|
|
|
|
|
|
|
|
|
|
|
如果要你暂时放低生活上嘅琐事，做啲可以放松身心灵嘅嘢，你会做啲咩？瑜伽、插花定画画？呢啲大家可能已经听惯听熟，想搵新意嘅话，咁不如试下榄雕？作为广州嘅非遗文化之一嘅榄雕，大家唔好以为好难上手啵。只有你心、手、眼都够定，“初哥”都一样搞得掂！而家广州仲有唔少嘅榄雕体验班，就算你係新手，都一样可以雕出自己嘅作品噶~快啲嚟学嘢了喂！ 彭 琳/文 罗振威/图 榄雕嘅前世今生 榄雕係核雕嘅一种，因为旧时广州增城就盛产乌榄，所以广州嘅核雕亦被称之为榄雕。喺明清时期，榄雕就已经好受欢迎。呢种对榄雕嘅热情，去到今时今日依然高涨。经过不断嘅发展、创新，榄雕亦都加入咗唔少地道嘅广府元素，好似岭南特有嘅镂空雕同拼嵌技艺等。而家嘅榄雕，除咗係艺术品、饰品之外，亦係令人可以舒缓压力嘅手艺活动。 榄雕初体验 身为广州榄雕代表传承人嘅曾昭鸿老师，一直致力推广榄雕文化，喺永庆坊嘅非遗街区入面，就有一个名为“榄有文化”嘅榄雕馆。呢度除咗展出唔少精制嘅榄雕作品之外，仲有定期举办榄雕体验班，畀大家亲身感受何为榄雕。 就榄雕嚟讲，会分浮雕、圆雕、镂雕同刻字四种，初嚟埠到，当然唔会要大家即时落手去雕刻，事关基本嘅榄雕工序係包含：选材、画样、打磨抛光、粗加工、精加工等步骤。而我哋今次嘅新手入门体验课，就係从打磨抛光入手啦。唔好以为唔使用刀就冇难度啊，打磨抛光一样都好考定力噶。首先你个心要定，唔好心急浮躁；其次係对手要定，一手揸稳锉刀，一手扶实粒榄核；最后就係对眼啦，望实你粒核，搵到需要打磨嘅位置。当你心、手、眼都够定，咁就可以正式开始啦！ 简易榄雕挂饰GET 一堂课落嚟，如果你够定，除咗可以获得一个独一无二嘅榄雕饰物之外，仲可以令你暂时放低生活嘅烦扰，绝对係一次chill级体验！若然之后你有兴趣继续探究榄雕嘅魅力，呢个挂饰仲可以利用电动刀具进行二次创作，无论係镂空雕定浮雕，只要你肯学，都有机会一试！ 体验地点 永庆坊非遗街区·榄有文化非遗生活馆 所需材料 OPI抛光块、锉刀、葫芦半成品、挂绳 体验地点：永庆坊非遗街区·榄有文化非遗生活馆（广州荔湾区恩宁路109号内进元和街62号） 制作步骤 Step1 左手扶实葫芦半成品，右手攞住锉刀，用锉刀平嘅一面，逐刀向前推，刀嘅推进方向同榄核垂直。通过打磨，将核身原有嘅刀痕磨光滑。 Step2 核身打磨完成后，就翻转锉刀，同凸起嘅一面打磨葫芦头部嘅尖端位。同样喺逐刀向前打磨，直至表面光滑。 Step3 用OPI抛光块嘅粗糙面，对葫芦进行整体嘅打磨，将锉刀打磨残留嘅粉末带走，令葫芦更加光滑。 Step4 用OPI抛光块嘅光滑面，对葫芦进行抛光处理。 Step5 将挂绳缠喺葫芦中部凹位，两端串上同样数量嘅珠子，其后打结，用打火机烧断剩余绳子。 Done 成品：话咁快，一个精致嘅葫芦榄雕挂饰就做好啦！
