|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
成日都听人讲“搵食艰难”，到底係赚钱难，定係因为使钱太容易啊？有啲人就嗜钱如命，有啲人就觉得辛苦搵嚟志在使。每个人都有唔同理财观，而你又会係边一款呢？不妨做个测试睇下啦! 彭琳/文 配图来自电视剧《半泽直树2》 搵钱好难，储钱更难？ 测试问题： 假设你哋公司今年业绩超好，老细为咗激励士气，就决定今年嘅花红打孖上！难得多咗嚿钱可以使，你会点用？ A有理冇理，存咗入银行先算！ C正所谓人靠衣装，梗係买首饰啦！ B有危就有机，要发达就要先投机！ D感觉至上，见到有咩啱就买咩！ A 有额外收入就即时储起嘅你，存钱对你嚟讲就梗係easy job啦！做派务实的你，对于投机呢件事，你通常都会避之则吉，皆因对你嚟讲，账上嘅每笔资金都应该要有好清晰嘅规划，咁样先够稳阵！ B 正所谓富贵险中求，追求刺激的你，当然唔会放过每次投资嘅机会啦！但投资嘅嘢可升可跌，风险始终无可避免，如果你都想存钱磅身的话，咁就记得衡量好风险与收益之后再入市啦！ C 储钱嘅嘢，摆银行就当然相对稳妥啲啦，不过咁辛苦赚到钱，买啲保值嘅首饰，好似珠宝、黄金等等，既可以作为长线投资等升值，又可以带出街增加个人魅力，呢种一举两得嘅使钱方法，进可攻退可守，一试无妨。 D 谂到乜就买乜，呢啲随心所欲嘅消费观，就存在一定风险啦。一旦你自制力唔够，就好容易出现入不敷出等问题，呢个时候唔好话储钱了，点样找数都成问题！大家买还买，记得一定要量入为出啊！ 相爱很难？放低更难！ 喺感情世界入面，找对的人并非易事。两个人唔夹，如果可以和平分手当然皆大欢喜，不过分手嘅嘢边度话得埋噶？有啲人分手之后伤心又伤身，疗伤要花唔少时间，有啲人会转移注意力、假装忘情。你呢？ 彭琳/文 配图来自电视剧《大豆田永久子与三名前夫》 双鱼座 沉浸在美好幻象无法自拔 喜爱幻想，是双鱼座嘅人最大的特性。佢哋幻想有时并不是毫无根据，係会将热恋期间经历过的美好瞬间，作为幻想的蓝本记录在案。喺分手之后，双鱼座嘅人就会不停喺脑内重播相恋嘅点滴，一方面係为恋情嘅结束而自责，一方面亦会令佢哋更难走出失恋的阴霾。 巨蟹座 放低并不等同于忘记 要彻底忘记一个人绝非易事，当巨蟹座嘅人发现冇办法淡忘呢段感情的时候，佢就会用其他事情去转移自己嘅注意力。你可以话佢哋係自欺欺人，觉得唔去谂就唔会痛，但有啲人和事一旦动咗情，全身而退谈何容易？如果转移注意力可以缓和伤痛，亦未尝不可。 天秤座 耿耿于怀直至感情用尽 一段感情的结束，未必会尽如人意，或者係误会所致，又或者係第三者插足。对于天秤座嘅人而言，感情中留有遗憾先係佢哋一直耿耿于怀的原因。所以分手之后，佢哋会想方设法去挽回，借此来修补内心的疮疤。讲到尾，要令佢哋放低一段感情，都係靠要天秤自己肯舍弃过期的感情包袱。 天蝎座 投入越多感情 越难抽身 在感情的世界里，占有欲强係好可怕的存在，而天蝎座正正就係咁样的一类人。当天蝎越想占有一个人，佢哋就需要付出越多嘅心机，到结束之时，自然就越难忘。亦因此，生性记仇嘅天蝎座，分手后就会一直惦记对方，或者只係想睇到对方后悔？咁样都会令自己进退维谷。
