|
|
门口打卡位 |
|
|
制潮二手回收/售卖海报 |
|
|
门口嘅装饰好适合打卡 |
|
|
店内Bearbrick |
|
|
冷萃咖啡 |
|
|
摩洛哥风格的瓷砖设计 |
|
|
纯白设计颇有地中海feel |
|
|
斑驳的阳光加添午后的慵懒感 |
|
|
三款特饮：柚紫、珊瑚蓝、penny&zizi |
|
|
斑兰奶冻卷 伯爵红茶千层蛋糕 |
|
|
|
|
|
m&m公仔 |
|
|
m&m打卡墙 |
|
|
露天叹啡位置 |
|
|
|
|
|
|
|
|
和“小人物”联名的快闪活动 |
中山 周末想短暂逃离高压嘅石屎森林，搵个舒服嘅周边城市hea下，中山係个唔错嘅选择。但冇车嘅情况下，要山长水远去到广州南站，都几令人望而却步。Color今次就回归经典，喺市中心坐大巴唔使10蚊，路况畅通两小时内直达，落车即刻可以到多个打卡点，影朱古力大片、领略咖啡艺术美学，再逛埋潮玩店，点到点悭钱悭力，叹返个舒服嘅短途游！ 彭琳、实习生 许家铃/文、图 同“朱古力”影大片 朱古力豆大家就食得多啦，咁可以畀你影相摆拍嘅朱古力豆装置你又啱唔啱？喺乔巴士位于中山科技大学嘅站点出发，步行约10分钟就到啦！喺呢度，你可以见到加大码嘅朱古力豆模型，铺满一面墙，攞嚟做背景影相就够晒童趣啦！ Qhood萌满屋·糖果玩具集合店 地址：广东省中山市石岐区莲员东路2号大信新都汇二期首层 装修融入美学 去到青岚所在嘅巷口，如果冇探头望下，真係miss咗都未必察觉到。位处居民区中间嘅青岚极之抢眼，纯白嘅独栋建筑配合蓝天，当堂有种置身希腊、尽享碧海蓝天嘅错觉。喺青岚随处可见嘅长廊同拱形设计，加上透入窗内嘅斑驳光影，地中海风情即时充斥店内。但瓷砖嘅选择上，反而极具摩洛哥风情，每层都有唔同配色嘅瓷砖，逐层上去惊喜亦随之叠加。呢种溢出屏幕嘅异域feel，由踏足青岚嗰刻便已伴随，如果有埋微风轻吹，阳光下嘅青岚绝对令你乐而忘返！ 乔巴士 在微信公众号中购买广州到中山车票 费用：￥9.80元 广州上车地点：体育西路地铁站、车陂南地铁站 中山上车地点：中山科技大学 特饮调制惊喜 建筑风格确係青岚嘅吸睛之处，不过作为一间café，呢度嘅出品同样别具新意。店内所用嘅奶源係“小人物MINOR FIGURE”出品嘅植物燕麦奶，满足咖啡质量嘅同时，佢哋亦身体力行咁推崇环保理念。随处可见嘅美学元素亦从装潢延伸到饮品，每款特饮所用嘅杯喺颜色上都同饮品本身好夹，再配以饮品对应嘅食材加以点缀，颜值指数爆灯。特饮选用嘅食材同样不拘一格，肉桂、豆蔻、燕麦、龟苓膏等通通用得着，好睇都係其次，一啖入口，或清新、或浓郁，味道上可以话係诚意满满！佢哋仲会根据季节、特定节日等元素，调配对应嘅特饮，惊喜真係keep住嚟噶！ 青岚Blue Wind 地址：广东省中山市起湾南路新龙街6号6栋 营业时间：11:00-18:00 一心一店 两款色彩 美式复古嘅装修风格令到TOPHIT成为白石路嘅亮点，睇外表以为係超叹嘅咖啡店，行入去发现，其实佢仲係一间买手店。将咖啡和买手店这两款色彩结合，呢种配搭喺中山十分罕见。两位合伙人都係年轻有为嘅95后，开铺卖潮流嘅衫裤鞋物以及潮玩，都係因为自身爱好，所以店内陈列都係精挑细选。店铺从珠海搬迁到中山，由线上售卖到开设实体店，都係呢班后生仔亲力亲为。只要顾客将自己对物品嘅需求清晰告诉店员，Kevin和团队成员便会尽力搜罗。店内潮玩与时并进，连陈伟霆喺节目上安利嘅bearbrick店内都有售卖，墙上张贴嘅海报都係店主自己设计，仲提供“制潮二手回收/售卖”服务，做自己钟意嘅嘢，呢班后生仔真係好专业。 潮店叹啡 用心之作 TOPHIT主要售卖T恤、潮玩、饰物和鞋，但係咖啡亦是重点。店主希望用心做好经典的东西，所以饮品种类不多，但选材十分用心。店内提供两款唔同口味嘅咖啡豆，由专业咖啡师调制，小记尝试咗水果发酵风味，带有浓郁花香果汁口感嘅冷萃咖啡，入口带有浓郁嘅咖啡豆香味，适合咖啡发烧友品尝。不含咖啡因的特调都有，“菠萝的海”、Midsummer、Matcha lattle和Strawberry lattle都值得一试，单凭杯身设计和饮品色彩，就足够吸引你摞住喺店内各个位置打卡了。 TOPHIT COFFEE 地址：广东省中山市石歧区第一城白石路怡美7卡 营业时间：08:00-00:00
