|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
一段感情关系里面，两个人嘅相处係一门学问。无论係细水长流定热情如火，感情进行到某个时期，危机就会随时出现，处理得唔好，关系分分钟被瓦解！想知道你哋的关系中係咪已经存在暗涌？做个测试你就知！ 彭琳/文 图源：电视剧《心惊胆战的同居》 两个人喺埋一齐，最紧要是可以自在相处，对你嚟讲，同咩人一齐感觉最放松？ A.腰缠万贯 B.性格温和 C.有自己谂法 D.冇人可以令你放松 A.小心感情变淡 开始重视物质，其实就代表你哋两个嘅关系，可能已经进入厌倦期。成日都话感情係需要经营，但其实除开物质，感情仲需要保鲜。当你已经对身边人感觉厌闷，呢个时候就需要做啲嘢去调剂你哋嘅关系啦！不妨试下喺相处时，为对方制造惊喜，或者会勾翻起大家最初相爱时嘅心动瞬间，令关系转好！ B.搵唔到继续一齐嘅方向 两个人喺埋一齐，就算做唔到细水长流，都总会想长久咁维持一段关系。点样先可以令一段关系行得远啲？步伐一致就好紧要啦！拣呢个选项嘅你，係咪开始觉得同对方喺某些方面出现分歧？步伐不一嘅情况，好容易令情侣间嘅感情产生裂痕，呢个时候你就要停低谂下，到底呢段关系要何去何从了。 C.情海随时翻波 而家嘅你哋，正处于呢段关系最脆弱嘅时期，有乜风吹草动，感情随时byebye！呢个时候，无论你定对方，都好容易被第三者吸引。不过你要知道，喺感情嘅世界，几时都係两个就啱啱好，只要有人介入，都会令身处其中嘅人苦不堪言……感情出现问题嘅时候，最紧要係沟通，睇下有冇可能修补关系，千祈唔好玩多角恋啊！ D.感情甜蜜蜜 对你嚟讲，喺现时嘅关系入面，时刻都保持住热恋时嘅激情，认真羡煞旁人啊！感情可以历久常新绝非易事，做得到嘅话，咁就恭喜晒，你已经搵到嗰位对的人了！不过开心之余，都要记住幸福唔係必然噶。就算畀你搵到命中注定嘅另一半，都一定要谨记：感情需要经营，真爱亦需要珍惜，咪等到走宝先嚟后悔啊！ 各位喺职场上搏杀紧嘅打工人，想工作上可以顺顺利利，除咗靠自己嘅实力，如果有“贵人”肯助你一臂之力，就更加好了。有时运气都好关键！一齐嚟睇下有边啲星座，识得把握机会，借贵人嘅东风令自己扶摇直上。 彭琳/文 图源：电视剧《法医朝颜2》 双子座 喺事业上得到贵人相助，自然机会都多啲啦。不过机会就人哋畀嘅，做成点就好睇个人啦。识得把握机会嘅双子座，只要贵人肯出手拉佢一把，佢就会变身“进击的双子”。无论係斗志定积极性都会拉到最高，全速前进，实行用尽贵人呢阵东风！ 天秤座 对于未来，天秤座嘅人总係会做好多咁规划，按部就班咁行事，的确冇咁容易出错。喺职场上，唔少人都係眼高手低嗰类，讲就天下无敌，要佢实践嘅时候，就乜都做唔出！呢个时候如果有贵人相助，有晒计划嘅天秤座，自然就轻而易举咁突出重围啦！ 狮子座 出名做事踏实，唔会好高骛远嘅狮子座，同为打工人，佢哋就更易受人认可。对比某啲心浮气躁嘅人，同狮子座嘅人共事，安全感都足好多，就算要帮手都唔会觉得条气唔顺。呢个时候，狮子座若然可以得到贵人相助，配合佢自身嘅努力，想唔发围都难！ 白羊座 对比起前面讲嘅三个星座，白羊座嘅情况就有啲唔同。进取嘅佢哋，未等到贵人蒲头，佢哋自己就会主动去接触身边犀利嘅人马。加上白羊座嘅人EQ通常都比较高，就算明知佢哋嘅接近係带有目的性，一班贵人依然都乐意帮忙，白羊座嘅人自然就机会不断啦！
