|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
讲到热血嘅青春剧，喺呢方面，日剧绝对係当中嘅表表者。旧时睇开嘅《龙樱》、《野猪大改造》、《求婚大作战》等剧集，全部都洋溢住青春独有嘅激情。呢类谈论青春嘅剧集似乎总有种魔力，无论你係咩年纪，再睇翻仍会被当中嘅热血氛围感染。一齐嚟睇下近期备受好评嘅日剧新番，睇下你会唔会再次被击中？ 彭琳/文 图片:剧集剧照 《龙樱2》 新派学生VS热血怪咖 《龙樱》对于唔少人而言，是记载住一代人关于梦想、青春、奋斗的热血回忆。时隔16年，昔日热血嘅青春再次被燃点，今次“东大鸡精班”嘅揸fit人依然係大家好熟嘅樱木老师（阿部宽饰），搭档原班人马之一嘅长泽雅美，再次冲击东京大学！同样係大家记忆中嘅特训班，唔同嘅係，学生对于升学根本唔在乎，但求顺利毕业便可。曾经创造奇迹嘅樱木老师，点先可以再次燃点大家的学习激情，亦成为剧集最大的看点。今次喺画面上，曾经参与制作《半泽直树》 的剧组，就加入咗唔少演员嘅特写镜头，令到本来已经热血沸腾嘅场面，变得更为肉紧。到底今次樱木老师可唔可以再创奇迹？咁就要继续睇落去啦！ 《短剧开始啦》 Loser的高光时刻 细个嘅时候大家对于梦想总会热炽地去追寻，夹Band、演戏、搞科研…通通都有！但毕业之后，又有几多人可以延续呢份激情？喺剧中，结缘于学生时期嘅“麦克白”剧团，为咗实现做搞笑艺人嘅梦想，连学业都可以放弃。但到头来，充满拼劲嘅三个人，奋斗咗十年仍然籍籍无名。佢哋看似是生活中的loser，但却做过其他人眼中的明灯。同样係以青春开篇嘅剧集，《短剧开始啦》虽然冇令人热血沸腾嘅情节出现，追梦结果亦以失败告终。但失败过后，戏中人仍能继续前进，未尝唔係另一种热血。 运动竞技类嘅剧集，就最啱夏天时分睇。赛场上，每位运动员都拼尽全力，每一帧都令人睇到血脉贲张！不过呢类型嘅剧集，想拍出嚟的效果好睇都唔係咁易，群像的刻画，团队的成长，关卡的设计等等，全部都係成败嘅关键。睇得太多情情塔塔嘅剧集，想转换下口味？运动类嘅电视剧就啱晒你啦！ 彭琳/文 图片：剧集剧照 《荣耀乒乓》 只谈乒乓 不谈感情 讲到国产行业剧嘅通病，被人诟病得最多的绝对係感情戏占比过重，行业摆面，实则谈情。今次呢部《荣耀乒乓》却一反常态，全剧主线由此至终都係围绕住白敬亭同许魏洲饰演嘅乒乓球手，点样突破自己一路打入国家队。虽然呢部剧就主打热血追梦，不过喺乒乓波相关的专业知识上，剧组亦有做足功课：两位主演喺身形、技术上都尽量贴近专业球手，而剧集亦会为所涉及嘅比赛情节加入专业旁述。冇咗拖沓嘅感情戏，作为首次挑战乒乓波题材嘅剧集，《荣耀乒乓》都交出一份唔错嘅答卷。 《球拍少年团》 热血以外 更具人情 球类运动大家接触最多嘅係咩？十居其九都会答係“羽毛球”！一副球拍加个羽毛球，无需门槛，开波话咁易。近期韩剧中就有部以羽毛球为题材，小成本制作嘅《球拍少年团》横空出世，首播冇耐就喺豆瓣夺得8.5嘅高分！演员阵容星光欠奉嘅呢部剧，到底吸引喺边？运动类题材嘅剧集，多数都离唔开逆袭、热血、友情呢啲关键词，而喺此剧，观众除咗可以见到球队各人喺挫败中成长，仲可以透过当中的细节刻画，感受人物的性格亮点。剧情热血且走心，加上同类题材嘅稀缺，呢部剧话咁快就跻身收视前列！
