![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
从谢霆锋影坛成长史 窥见港片的光影岁月 自20世纪80年代,香港电影天马行空皆无限制,古为今用中西贯通,爆发出惊人能量;香港电影的镜头之下,小人物始终迎难而上,相信肯拼搏就有出头天,"港产片"风靡一时,亦是唔少《可乐生活》读者们的青春回忆。从艺25年,谢霆锋担任过众多身份,"演员"呢个身份占重要的部分。从佢喺电影路上的成长,我哋隐约可以窥见香港电影的跌宕浮沉、高低起伏…… 郭玮/图、文 部分图片由被访者提供 当打之年:硬、刚 1998年谢霆锋主演咗人生第一部电影《新古惑仔之少年激斗篇》,该片係《古惑仔》系列中的前传,讲述了少年陈浩南(谢霆锋饰演)和山鸡堕入黑帮的故事。他未够秤嘅青涩叛逆,将一个"不良少年"形象发挥得非常到位。霆锋仲因此获得当年"香港金像奖最佳新演员奖"殊荣。 嗰年《风云之雄霸天下》《我是谁》《龙在江湖》等等港产片见证咗香港电影市场嘅辉煌,"江湖义气、兄弟情谊"似乎就係嗰个时代嘅命题,"硬、刚"亦成为嗰阵香港电影人必备技能:霆锋整亲脚唔去睇医生、成龙用生命去跳玻璃外墙…… 转型:一切皆有可能 尝过了拍电影带来的惊喜快感,在接下来近十年里面,霆锋将更多时间放咗喺音乐上面。直至2007年,霆锋用一部《男儿本色》向大家展示自己已经从不羁男孩成长为成熟男人。只记得佢喺呢部电影中化身警察,用正义对抗恶势力,将当年"行古惑"嘅稚气撇得一干二净,更有了担当同责任的魅力。 而嗰段时间,亦係香港电影转型的特殊时期,随住香港与内地日益密切嘅联系,香港电影开始融入更多符合内地观众口味嘅元素,《叶问》《证人》《保持通话》等等作品,有咗更多内地演员加入主创行列,电影嘅制作成本也越来越顶配。时代大环境促使香港电影走向转型,香港电影人把握呢个机会,尝试更多唔同嘅可能。 即使风光不再 亦请不要忘记 由转型到定型,应该只有主角本身先知道咩最啱自己。点都估唔到,霆锋会突然走去做厨师,而且一做,就定咗型。由一开始做烹饪类综艺,到后来2017年推出《决战食神》,又一个十年,"揸枪"变"揸镬铲"。据霆锋自己所讲,因为想煮下餸令自己收敛下脾气,点知一煮就爱上。的确,做咗厨师嘅霆锋好似冇晒脾气,以前"砸吉他"嘅傲气变成"落雨帮菜地担遮"嘅温馨。 而咁啱,这些年间,香港电影不见起色,更多人去关注海外引进嘅超级英雄系列电影,丢淡咗对港产片嘅热爱。细看数据可以了解,嗰段时间香港电影嘅口碑普遍一般,甚至有人发出"港片已死"的感慨,好似估唔到霆锋会去做厨师咁,谁能估到辉煌多时的港影市场似乎不景气了。第38届香港电影金像奖颁奖典礼现场,播放咗一段致敬2018年离世电影人嘅短片,带出主题"当你不能再拥有的时候,你唯一可以做的,就是令自己不要忘记。"似乎亦在提醒大家,唔好忘记香港电影曾经辉煌风光的岁月。