![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
天时暑热,食乜都冇胃口,哩个时候,不妨试下酸辣开胃嘅泰式美食,包你食过返寻味!大家可能唔知,江南西有好多宝藏店铺都收收埋埋喺D横街窄巷入面,今次,小编踩到江南西一带,搵到咗三间性价比超高嘅泰式美食,钟意食泰式料理同椰子係列甜品嘅你就咪走鸡啦! 冼颖樱/文 叶思玲/图 泰喜?有惊喜! 呢间泰喜,虽然店面唔大,但係入面嘅装潢就充满泰式风格!就係收收埋埋喺江南西路横街窄巷里面嘅宝藏店之一,会俾你好多惊喜。凉拌生蚝基本上係每台必点,三十蚊就有六只,大只饱满,入口十分嫩滑,口感酸酸甜甜得嚟好爽口!冬阴功汤号称"世界三大名汤"之一,作为泰国菜嘅"国汤"选手,由柠檬叶、香茅、南姜等奇妙嘅天然香料制成,酸辣鲜甜却又不失平衡,边饮边出汗,海鲜让成碗汤充满晒鲜味! 如果讲全场最抵食,可能就係九层塔肉碎饭了,饭嘅分量够晒大份,饭上面铺满豆角粒,再加上两只流心蛋,捅破之后蛋液流晒出嚟,拌饭食简直一流!中意椰子嘅朋友一定要点芒果椰冻,面头嘅芒果分量非常多,塞满晒个椰子口,加入炸成金黄色嘅椰蓉一起食,嫩滑嘅椰冻清新怡人,酥脆嘅椰蓉椰香浓郁,简直係1+1>2嘅美味搭配! 泰喜·地道泰味 地址:江南西紫龙大街11号101房 营业时间:周一至周日 11:30-21:00 乜料?係泰料! 店名虽然好粤式,但係佢嘅出品绝对泰式!佢唔单止好味又大份,而且价钱仲好亲民,因此吸引好多人去食。如果你去过泰国,你会发现无论係高档餐厅定係街头小贩,都唔会缺少芒果糯米饭嘅身影。泰式香芒糯米饭係呢度嘅招牌之一,糯米饭面头淋上清甜嘅椰汁,再搭配上酸甜嘅当造芒果,一热一冻,一酸一甜,口感十分过瘾! 用炭火烤到脆卜卜嘅香茅猪扒,大件夹抵食,猪扒入味口感酥脆,食落唔干唔柴,清爽酸甜,闷热天气会好开胃!Q弹米粉淋上老世用泰国当地嘅泰椒、蒜、青柠檬特调嘅泰式酸辣酱,低卡、低脂又开胃!龙眼冰加入左饱满香甜嘅龙眼肉,暑意亦都係不知不觉中消退。乜柠冰沙其实係柠檬薄荷冰沙,入口清爽解腻,建议尽快饮用,放得耐会有些少苦涩味。 乜料·local泰式食堂 地址:江南中润汇大厦二楼 营业时间:周一至周日 11:30-15:00 16:00-20:00 菓家?椰子控! 讲起泰国夏日嘅甜品,椰子冻必须有姓名。如果你又咁啱係椰子控,咁就要试下呢间椰子做主角嘅甜品店。店面又係细细间,但有两层,环境干净舒服,装潢都几小清新。店内招牌原只椰青冻,椰子选用上等泰国椰子,将椰肉打成浆,加入新鲜椰子水制作而成,冰弹肉嫩,嫩过鸡蛋。椰香雪糕、桃胶、椰丝同椰蓉铺面,再淋上椰奶,桃胶滑溜溜,满满胶原蛋白,清新好味又养颜!然后再挖一担椰皇冻食,香浓馥郁嘅椰奶冻同清甜嘅椰子冻瞬间融化喺口入面。 想食冰嘅朋友仔可以点多份招牌椰子雪花冰,一层椰子脆片、一层芒果红豆、一层香甜椰子雪花冰,一羹落去,即时被厚实嘅用料惊艳!椰子三兄弟就係椰子水、椰子肉同椰子冻嘅结合,表面睇好似好寡、冇咩特别,但饮落口就知道,味道清得嚟又冰冰凉! 菓家·椰子主题甜品 地址:青蒲大街86号 营业时间:周一至周日 13:00-21:30