|
|
|
|
|
|
|
|
|
|
|
|
|
|
|
|
|
|
|
|
|
|
|
|
快乐的时光总係过得特别快，又係时候开学啦！学生哥生性秘笈同暑假讲拜拜。Hea咗成个假期，快啲收收心，做翻个生性学生哥啦。嗱嗱嗱，咪话Color有好嘢唔益你，mark实呢三宜三忌，老师肯定锡嗮你！ 陈祉伶/图、文 实习生 陈晓彤/模特 宜 话头醒尾 wa6 teo4 xing2 méi5 俗语有云：听话要听音。听人讲嘢唔好净係听到佢用咗乜词，要深入一层，谂下有无乜未直接道出的用意。人哋讲嘢刚讲咗个开头，就係“话头”，有人很聪明咁知道其用意或者后面应该要点做，即“醒尾”，其中“醒”指领悟、醒悟。所以“话头醒尾”形容人聪明、机灵、善解人意，只要提一下，佢就醒悟对方的用意，并且能在实践中举一反三。 造句：小美真係好叻女！话头醒尾，学嘢咁快，怪唔之老板咁中意佢啦。 有纹有路 yeo5 men4 yeo5 lou6 “有纹有路”係广东话中比较常用嘅成语，褒义，多用于指劳动技艺。可形容人做事有条不紊，从容不迫地有计划地做事情，或者收拾得整齐干净。亦常用于赞赏他人说话有条理。日常使用中，有时会将其简述为“有纹路”，不过“有纹路”不一定就指“有纹有路”。例如话“只猫身上有纹路”，就只係描述只猫身上有图案或纹理咁解。 造句：你咪睇佢只得10岁，讲起话嚟有纹有路，係个醒木仔嚟嘎。 咪书 mei1 xu1 “咪”在广州话中係一个常见的形同而音义不同的词语。读作“mei1”时，有钻研之意，粤语口语常用“咪书”形容啃书本，埋头读书。与“睇书”“读书”相比，更强调一种专注入迷，用功研究嘅程度。所以会有人用“咪家”（诙谐的说法）形容用功读书的人或者爱钻研问题的人。此外，广东人亦经常用“温书”、“温功课”表示复习。 造句：就嚟考试咯，唔好成日顾住玩，要俾心机咪书喔。 忌 出猫仔 ced1 mao1 zei2 粤语里面嘅“出猫”或者“出猫仔”，大多数广东人都知道係指考试作弊嘅意思。但讲到点解会有呢种比喻咧？恐怕好多人都唔太清楚了。其实呢个讲法源于母猫的习性，猫乸生仔时为咗安全，一般都会偷偷匿埋唔俾人知，等到猫仔安全断奶先带出嚟。而学生考试夹带小抄作弊时，就好似出（生）猫仔咁偷偷摸摸，所以用于作弊张小抄亦被戏称为“猫纸”。 造句：出猫俾老师捉到正？睇下你会被记过处分，定係罚写检讨5000字啦。 唔嗲唔吊 m4 dé2 m4 diu3 “唔嗲唔吊”，义同“嗲吊”或“嗲嗲吊吊”，因为此俚语中两个“唔”係表强调的语气词，而“嗲吊”的本字是连绵词“跌宕”，形容不受拘束或放荡不羁。所以“唔嗲唔吊”相当于“吊儿郎当”，可以形容人做事漫不经心、不紧不慢，又或者指对什么事情都无所谓，爱理不理等不负责任的态度，多数有指责之意。 造句：好心你上课认真啲，唔好成日唔嗲唔吊。 大头虾 dai6 teo4 ha1 广东人钟意食，就全世界都知咖喇，不过粤语中嘅“大头虾”，通常唔係指用嚟食嗰种虾，而係指做事粗枝大叶、丢三落四的人，近似普通话嘅“马大哈”。呢个说法有乜出处？有一种解释，话其出自明代《陈献章集》的“大头虾说”，最初指虚有其表、名不副实的人。不过经过几百年变迁，词语意思已发生变化，现多指做事粗心大意。 造句：返学成日唔记得带齐书，你真係大头虾啦。
