|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
期待已久！2021.9.4可乐生活节终于顺利落地、画上咗圆满句号啦！当日墟墟冚冚，埋堆开趴，有玩有食有奖攞，个个嗨到大嗌：未玩够本！快啲跟住color一齐睇睇现场有几好玩。 陈祉伶/文 Color团队/图 IN态度：生活艺术家 潮流IN态度，每个人都係生活艺术家！本次创意生活市集，招募咗一班热爱生活、热爱分享又具有鲜明个性生活态度的摊主，佢哋使出浑身解数，带嚟劲多潮玩好物！得意趣致嘅手作玩偶，精致独特嘅自创耳饰，独家制作嘅插画文创……风格多多，作品吸睛，最重要嘅係，件件作品都係原创，带你开启最新最IN嘅趣味生活指南。 IN乐趣：粤玩粤盏鬼 靓靓市集逛得差唔多，呢边仲有游戏玩！传承粤语文化，一直係可乐生活持之以恒的初心，所以喺生活节，我哋特别策划粤语大挑战，现场考考大家嘅粤语文化水平。 考验运气同智慧嘅时间到啦！抛骰子定通关数，然后选择挑战嘅项目：急口令、歇后语、猜港片、估歌仔、忍笑大战……通通冇难度？大家都係醒目仔女，最紧要尽情enjoy游戏！大小朋友都好犀利，一睇就知平时有关注我哋！话咁易就挑战成功攞大奖，每份生活百宝袋都係随机装包，够嗮独一无二！摞到奖品嘅粉丝，个个都话好惊喜，Color团队设计嘅百宝袋已经好靓，里面奖品仲咁丰富，吃喝玩乐样样有齐，摞唔到奖都想自己买！ IN回忆：支吹那些年 开趴咁开心，梗係要同人分享下啦！除咗发朋友圈，你可以喺现场捕捉野生可乐君倾下偈，又可以去话题盒子社交区写低自己嘅故事。我哋设置咗#18岁困惑清单、#你想对18岁的自己说些什么、#我希望你永远不懂这句话、#18岁的穷浪漫有哪些等话题盒子，备好嗮纸笔等你畅所欲言。有好多朋友仔都认真写低留言，除咗放入话题盒子，有意思嘅可乐君会挂喺展示区，同大家即场分享。 IN希望：继续开趴！ 生活节虽然已经结束，但相信大家对IN生活嘅向往唔会消退。好多朋友留底咗佢哋嘅希望，亦有唔少朋友讲咗对Color嘅鼓励同支持。再次感谢亲爱嘅你哋，Color亦会继续努力，将更多至潮至IN嘅嘢带俾大家！先剧透一下，唔使等下年，我哋嘅潮流市集、花样福利，都会陆续有嚟！ @波板糖： 老粉专程嚟捧场！好耐冇见可乐生活搞活动啦，今次啲游戏都几盏鬼！ @熊仔头： 市集好热闹，游戏几得意，现场仲有超多靓靓小姐姐，无嚟嘅真係走宝啦。 @HUANG： 未玩够！期待下次活动，明年继续嚟！ @得戚皇儿： 下年可乐君19岁继续办，办得更加好！
