|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
682期嘅《可乐生活》，我哋精心为大家打造咗露营专题策划，最近广州成功入秋，趁住呢份难得的秋意，我哋又一次行动起来！搭乘习习凉风，喺烦嚣嘅城市中心觅得一片净土，出逃至此，enjoy浪漫！秋日露营·可乐生活节show time~ 郭玮/文 秦丽莹、陈祉伶/图 粤“急”粤靠谱 例牌环节，我哋准备咗“祖传游戏”——粤语大挑战，嚟开启呢趟露营版“定向越野”之旅。考验你係咪Color嘅忠实Fans嘅时间到了喂！趣味盏鬼嘅粤语急口令，拗口得来承载住满满粤文化精髓。地道街坊梗係冇有怕，哔哩吧啦就完成任务。有行过路过嘅朋友虽然唔识粤语但都想过下口瘾，用普通话噏出嚟嘅粤语句式竟然有啲戏剧味，速度同节奏感都拿捏得好好！仲有位小妹妹有啲“怕丑”，想玩又未识晒啲字，就怂恿爸爸帮佢“讲价”，想话出下猫读少两句。见你咁可爱，color放水，俾你通关印章啦！ Fun享露营局 为咗等大家可以真真切切咁感受到露营嘅美好，我哋特意驶咗架露营房车来，并打造咗一块“模拟”露营地，等大家有机会身临其境。既可以亲身探秘房车内嘅新奇小设备，亦可以在房车外体验干花手作，留下独一无二的打卡作品。夜幕降临后，仲有露营达人share啲露营心得经验，面对面教学氛围超级好，一场话走就走嘅秋季之旅好似好快可以提上日程！ “弹”“子”一挥间 一盒弹珠，一对筷子，其实快乐就係咁简单。作为今次“定向越野”打卡挑战中嘅最后一关，难度系数就梗係有所上升噶啦，为咗集齐印花换礼品，各位朋友仔都好落力咁“夹弹珠”，使尽浑身解数闯难关：有小哥哥不懈努力，循环排队好几趟，誓要凭实力取胜；母女组合劲合拍，前半段囡囡试夹唔掂档，妈咪即刻出手默契接力，无缝衔接争分夺秒好精彩；仲有姊妹情深齐出动，三朵小花齐发力，团结嘅力量果然就唔同啲！ 圆“环”套幸福 如果俾你一个圆环，你会摞佢来套咩咧？Color教路，用佢来套住幸福啦！喺套圈游戏摊位前，全部参赛者都摩拳擦掌，一心觊觎大奖嘅大家都将自己嘅潜能力激发晒出来！大朋友手长脚长，有优势，可以主攻靠远嘅大奖；小朋友重心较低所以都唔输蚀，可以尝试前排保底嘅奖项；运气好嘅朋友仔随便一掉就有可能中头等奖；一家大细合作嘅轮流上阵就够晒温馨…… 结语：乘风出逃真係好浪漫，广州嘅“秋”好短，但我哋嘅感情可以好长！秋日露营·可乐生活节顺利举行係各位小伙伴同color双向的爱，借此传递感受自然、热爱生活嘅概念，亦是我哋开启活动嘅最终目的！如果今次未嗨够都唔怕，因为下一个精彩活动即将来袭，已经预埋你啦！
