|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
前段时间，TVB公布咗大家期待已久嘅台庆剧片单，四部大热剧榜上有名！首波就係大家可以永远相信嘅医疗剧《星空下的仁医》，而题材新颖嘅奇幻穿越《换命真相》亦已经热播中，花样诠释生命可以有take two；接档嘅《拳王》可以对标9年前同名电视剧，而翻拍版《十月初五的月光》，唔知第二take嘅佢哋会送上乜惊喜？ 郭玮/文 剧照、海报/图 争分夺秒救死扶伤 《星空下的仁医》（下简称《仁医》）开播以来好评不断！虽然医疗剧对TVB嚟讲驾轻就熟，医患纠纷、官僚主义等等套路万变不离其中，但今次却係佢哋首次尝试“小儿科”题材，常规操作中又带点新鲜感。马国明继《白色强人》后第13次饰演医生，郑嘉颖首次“从医”造型复刻“law霸”，仲有钟嘉欣状态fit爆回归……《仁医》食中晒TVB老粉嘅心头好，难怪出街反响咁好。医生救死扶伤都係争分夺秒嘅，剧情够嗮正能量，近两年医生形象嘅大众好感度亦不断上升，《仁医》好可能成为台庆剧单中嘅黑马。 扭转命运力挽狂澜 近年来，穿越题材嘅电视剧一直备受观众喜爱，《换命真相》用一场时光倒流串连整个故事，由谭俊彦饰演嘅主角“时光”回到过去，用自己嘅努力挽回错误。现实中唔可以实现嘅奇幻之旅，电视剧可以满足到大家，剧情嘅紧凑，正倒叙述交错嘅演绎手法，令到整部剧更加悬疑烧脑，追剧好似解谜剧本杀咁，有种沉浸式通关嘅刺激感和成就感。《换命真相》嘅另一个看点，係与男主角命运交错嘅三个女仔，男主试图用唔同嘅人际关系来改写未来，最终嘅成功与否都牵动观众嘅心。 “视帝”加持挑战权威 2012年郑嘉颖、黄浩然主演嘅电视剧《拳王》，借拳击演绎兄弟情，有拳头有演技，喺观众心中留下不少美好印记。九年后重启呢套剧嘅剧名，加之邀请到“视帝”黎耀祥加盟，为咗更好诠释角色嘅形象，黎耀祥仲操到自己劲fit，扬言会俾大家一个惊喜。《拳王》中另一位主角张振朗，亦表示呢套剧係佢心仪已久嘅全动作片，自己会全力以赴。有两位主角做收视保证，相信2021版《拳王》会为大家送上唔少惊喜。 复刻经典迎难而上 随着综艺节目嘅带动，张智霖嘅国民关注度又上升咗唔少，佢“初哥哥”嘅经典角色亦经常被大家拿出来重温。今年翻拍嘅《十月初五的月光》阵容变化几大，胡鸿钧和何依婷担演 “初哥哥”与“祝君好”，原来故事背景嘅“澳门街”，搬咗去保留乡村风貌嘅“流浮山”，从开镜以来就备受质疑。时隔21年，TVB 重拍呢部《十月初五的月光》，应该就係睇重呢个经典IP，就算经典难以超越，至少都有以前嘅人气兜底。
