|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
话咁快就到年尾了啵，新嘅一年梗係要搞好啲人际关系先，一于就从把口浪过油开始！千篇一律嘅祝福语冇哩新意，不妨学翻两句盏鬼嘅粤语好话，掌握给领导、长辈、同事发祝福的正确姿势，包你速速成为成个朋友圈中至醒目嗰个！ 陈祉伶/文 秦丽莹/图 郭玮、黄蕾/模特 猪笼入水 ju1 lung4 yeb6 sêu2 唔识粤语嘅朋友实係觉得奇怪，猪笼一般用竹篾扎成，呈圆柱形，作多孔网状，用猪笼装水，岂不是等同于“竹篮打水一场空”，又点会係好话咧？皆因广东人一向认为“遇水则发，以水为财”，粤语中也习惯用水比喻钱财。当猪笼放到水里时，四周嘅水都会向猪笼里灌，就好似财富从四面八方滚滚而来。所以“猪笼入水”就常用作吉言，祝福人财源广进、财运亨通。 造句：阿强一连开足几间铺，今铺实係猪笼入水，发过猪头。 火烧旗杆 fo2 xiu1 kéi4 gon1 旗杆一般係长度较长的木杆或者竹竿，被火燃烧之后就会形成长条形嘅木炭或者竹炭，简称“长炭”。粤语中，“炭”跟“叹”读音相同，而“叹”有享受、享福嘅意思，比如“叹茶”意为品茶、享受地饮茶；“叹世界”意为享受生活。所以我哋经常会用“火烧旗杆——长叹”去形容某人有大把时间享受生活。 造句：你个个月几栋楼等收租，唔洗做都可以火烧旗杆——长叹咯。 水浸缸瓦铺 sêu2 zem3 gong1 nga5 pou3 “水浸”通常指的落大雨、发大水，街道都被水淹没了。而“缸瓦铺”係指贩卖缸瓦等盛水容器的店铺，当街上发大水，淹没了缸瓦铺，铺内的缸瓦容器装满嗮水满到泻。所以“以水为财”嘅广东人，衍生出歇后语“水浸缸瓦铺——盆满钵满”，用嚟寓意赚钱多，收获丰富，袋中财富似容器满泻水咁，多到装都装唔嗮！ 造句：啱开门就遇到个大豪客，今日肯定赚到水浸缸瓦铺，盆满钵满啦！ 盲公食云吞 mang4 gung1 xig6 wen4 ten1 云吞係广东地区嘅一款特色小食，通常云吞嗰size就啱好一啖一粒落肚，盲公对眼睇唔到嘢，一边食一边计算云吞嘅数量，食咗几多心里面都係清清楚楚嘅。所以如果有人话你“盲公食云吞”，其实就係赞你心中有数啊。表达同样意思嘅歇后语仲有“盲公食汤圆”、“哑仔食云吞”等，只係前者最为常用。 造句：你时时都盲公食云吞——心中有数，肯定唔慌被人呃！ 湿水棉花 seb1 sêu2 min4 fa1 过去棉衣或棉用耐咗，棉花会结块，冇咁保暖，要将棉花拆出来，等弹棉花师傅弹松佢。但係湿水后嘅棉花就冇办法弹得蓬松，所以有歇后语“湿水棉花，冇得弹”。不过弹喺粤语中，有批评、指责、挑剔嘅意思，所以“冇得弹”会用嚟形容一个事物非常完美，没有地方让人谈论挑剔，表示满意。 造句：你啖汤色香味全，真係湿水棉花，冇得弹！ 三水佬睇走马灯 sam1 sêu2 lou2 tei2 zeo2 ma5 deng1eb1 相传旧时有三水人去市集凑热闹，初次见到走马灯纸轮辐转，灯面上人马追逐、物换景移，佢哋以为有很多幅画，就觉得十分新奇，情不自禁大叫“陆续有嚟”。故事原本係始作俑者为嘲笑三水人少见多怪而编造嘅笑料，不过后来“三水佬睇走马灯——陆续有嚟”呢句歇后语流传开去，就单纯係其字面意思啦。 造句：我呢度生意都几好噶，客仔好似三水佬睇走马灯，陆续有嚟。
