|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
天气渐凉，出门嘅时候戴翻顶帽，唔单止成身暖笠笠，仲可以增加回头率添！虽然帽仔细细，但佢可以帮你变文艺，减龄得嚟仲多咗几分活力，潮唔潮，就睇个头了！由“头”开始，睇下一顶帽係点样表达自己嘅潮流态度啦！ 王婷/文 品牌官网/图 百搭Cool guy 百搭嘅棒球帽，绝对係潮流嘅经典代表作！简洁日常装配棒球帽，即刻变得醒神又有个性，撞色、同色都各有千秋；稳重嘅西装外套，同棒球帽都可以和谐相处，呢款混搭嘅精髓係为整体造型添加休闲的感觉，精致中多咗几分活泼。棒球帽仲可以玩下花式，最常见是反戴，可以令人多一些阳刚气，或者将棒球帽扣喺牛仔裤或包包上做配饰，今年FILA秋冬款的棒球帽，加上一个大毛球，cool得嚟有点可爱……棒球帽真係可以配搭成好多你意想唔到的效果。 文艺？rock？ 时尚又甜美的单品，无疑係最容易吸引大家的眼球。贝雷帽睇落平平无奇，但可塑性好强。贝雷帽搭上毛绒围巾，暖身又显气质，配出十足文艺女主角咁样；净色款就经典到永不过时，花纹毛呢质地嘅贝雷帽就显肤色。如果想随意啲，散头发戴贝雷帽又会增添另一种rock rock啲嘅韵味。如果觉得传统嘅贝雷帽太文艺，13DE MARZO呢款有经典熊仔喺上面嘅帽款就值得试下了，只熊仲係可拆卸设计，可甜可酷好百变，只要大胆搭配，就会有唔同嘅惊喜。 减龄啱面型 边个话渔夫帽版型好容易踩雷？其实只要慢慢去搵，实会有一顶係啱你的！话你知一个拣帽小tips，渔夫帽最重要的就係睇版型，版型主要係话帽宽、帽身高同帽檐。帽宽要大于脸部最宽处，先唔会觉得局促，而且仲显脸小添；圆脸嘅朋友可以选择高帽身嘅款色，长脸嘅朋友就建议选择帽身短嘅款，颜色同材质就可以完全按照个人的喜好去pick啦。Chocolate最近做咗角落生物主题联名款嘅渔夫帽，适合悠闲搭配，帽檐上“坐”住一只“小生物”，超级减龄 趣怪暖笠笠 好多人话“秋冬无穿搭”，因为天气一冻，人就会懒得搭配，出门首先係包得严严实实似个粽咁。呢嗰时候，要凹造型出圈，可以谂谂针织帽。用同色系的针织帽呼应身上的外套同包包，统一色系令到整体变得整洁，减低咗臃肿嘅感觉；如果衫同毛茸茸帽玩撞色，仲可以利用颜色差错开视觉效果，修饰身材比例。毛毛帽体积就相对会大啲，如果有人想低调少少，Cordova今年仲推出咗毛得嚟又轻薄的款色，两边加长嘅设计可以顺便包住耳朵，再冻啲围埋颈都得，如果plan咗要去玩雪，你一定就係雪地上最趣怪嘅小可爱啦！
