|
|
|
|
|
|
|
|
|
|
|
|
|
|
赵浚承 |
|
|
《My world》MV剧照 |
|
|
|
|
|
《破战》剧照 |
|
|
|
|
|
|
阳光亲切，有着满满嘅少年感，係赵浚承Gary俾Color嘅第一印象。同佢倾计之后，Color发现Gary谦虚得来又好鬼马。你以为佢係模特出身嘅歌手？其实，佢从细细个开始就中意唱歌，亦曾以歌手身份出道，点解咁兜兜转转？要搵到自己努力嘅方向，原来都唔容易。 郭玮/文 秦丽莹、受访者提供/图 音乐之路一波三折 Gary以Square组合嘅歌手身份出道，曾经係组合中嘅 “气氛担当”，讲起自己嘅经历，确实有啲戏剧化。例如音乐创作最有灵感嘅地方，佢觉得係洗手间。Gary最新发行嘅新歌《恋爱第二》，就係喺洗手间创作出来嘅，故事讲述自己嘅经历。其实，中学时期Gary就俾老师发现有音乐天赋，因为钟情弦乐开始接触二胡，至今都心心念念想拉好《梁祝》，想将呢样传统乐器融入自己嘅音乐作品中。之前玩创作嘅时候，Gary想方便写歌，特意学咗电子琴，睇得出佢对音乐真係好上心。 有段时间，Gary感到迷茫，觉在音乐方面停滞不前，所幸得到谭咏麟嘅鼓励，才重拾对音乐嘅信心。近两年，Gary跟住“谭校长”巡演，经历不少万人大舞台，由一开始揸唛都手震，到后来见到观众会兴奋，本来纯粹嘅声线变得有内涵，感觉自己成长咗好多。虽然目前未有足够信心开个唱，但佢已经朝住呢个目标努力：“储多啲作品先啦！”。 最想演“癫癫哋”嘅反派 除咗玩音乐，鬼马嘅Gary仲有唔少你估唔到嘅谂法。喺刘青云主演嘅《追凶》入面客串过“警察”，前段时间啱同吴镇宇合作《破战》，跟住啲前辈，Gary可以“偷师”学到唔少嘢。“正路”角色已经做过唔少，佢希望自己有机会挑战下“癫癫哋”嘅反派。佢之前参演“谭校长”嘅《男人的浪漫》系列MV，由几个故事组成一个微电影，穿插其中演得好过瘾。喺拍呢只MV期间，因为唔小心整断咗手指尾，“微电影”后半part”带伤翘起只尾指坚持拍摄，睇落似一个“无厘头”嘅小细节，大家都知道，係佢敬业嘅表现。Gary仲对自己头发嘅“美人尖”比较有自信，觉得如果有机会演古装戏，造型上首先可以加下分。 希望为未来的自己骄傲 明明可以靠颜值嘅Gary，一心一意想用实力出圈，话只要大家认得佢把声，关注佢嘅作品就够了。讲到对未来发展方向，Gary话从综艺节目得都唔少启发。之前参加过《星光大道》，遇到一啲美声、民族风嘅音乐人，令佢发现自己都有呢两种方面的潜质，可以尝试不同类型嘅音乐。拓展音乐作品嘅多样性，争取同优秀嘅音乐人合作交流，都係Gary依家努力嘅方向。睇过《披荆斩棘的哥哥》之后，Gary都希望自己可以有所突破，跳出现时嘅舒适圈；中意打拳又中意运动，竞技体育类嘅综艺都係佢嘅心头好……Gary一直在尝试各种可能，为嘅就係未来可以为依家努力奋斗嘅自己感到骄傲。 潮人档案： 姓名：赵浚承Gary 昵称：大头承、呀赵 生日：9月11日 兴趣：唱歌、作品、各种运动 喜爱乐器：二胡、电子琴 最喜爱的歌手：谭咏麟、陈奕迅、陶喆 经历： 2006年，在香港任职模特儿，曾拍摄多个知名品牌广告。2008 年成为组合SQUARE的一员，组合于2015年参加中央电视台《星光大道》，获得《星光大道》年度季军。同年推出专辑《Square-SEARCHING觅》, 获得多个香港音乐奖项。
