|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
新嘅一年，TVB多部新片将上线，陈展鹏、唐诗咏、陈山聪三人组成霸屏“铁三角”，为靓片贡献演技：《铁拳英雄》（原名《唐人街》）发扬功夫精神、传承《城寨英雄》赤胆忠心；《超能使者》睇底层平民变街头英雄，用天赋异禀拯救苍生；《隐形战队》有警队跨部门强强联手，打击犯罪……套路多多，“武”出正能量！ 郭玮/文 官方剧照/图 硬净拳头 难分难解 《铁拳英雄》其实2019年已经杀青，因为后期原因一直被压箱底，直到今年终于正式上线。据闻为咗适应时势，里面原有嘅内容做咗适当修改，而且剧名由《唐人街》被改成《铁拳英雄》，想来也是为咗对应当年火爆嘅《城寨英雄》。事关呢部剧都係由《城寨英雄》嘅班底制作，出品应该有十足保证。加上佢以帮扶贫弱、惩戒恶势力为主线，讲一班有志之士，为咗海外唐人街嘅和平，奋勇斗争。陈展鹏、唐诗咏同陈山聪三人，喺剧中分别掌握唔同嘅拳脚功夫，亦正亦邪，斗得难分难解。 特异功能 功夫加持 《超能使者》就更加贴近现实生活，因为佢发生喺街坊街里之间，不过市井得嚟又好有新意思啵。几个睇落资质平平嘅年轻人，因为经历咗唔同嘅意外，激发咗体内天生嘅超能力，佢哋结盟后一齐警恶惩奸。剧中，陈展鹏饰演嘅角色手指可以轻松弹走子弹，唐诗咏唔怕俾车撞，陈山聪刀枪不入……佢地嘅角色人设都有致敬超级英雄嘅意思，但同飞天遁地、发射超能电波等能力唔同，剧中嘅“超能使者”背景都有中国功夫底，佢地嘅异能都会同真功夫结合，因此全剧有大量打戏，大家可以睇到正义出击、畅快淋漓，亦会为佢哋拯救街坊邻里于危难之中而无限感动！ 正义联手 神级操作 《隐形战队》由马国明、唐诗咏、陈山聪主演，係TVB对自家最擅长嘅警匪职场宇宙嘅又一次扩充。今次讲嘅係隐形任务战略部队同反恐特勤队，为打击不法分子而战斗嘅故事。马国明喺去年台庆剧《星空下的仁医》中表现突出，佢对于医生、警察等等“制服诱惑”嘅角色，可以话已经驾轻就熟。而陈展鹏将以特别客串嘅形式参与剧集，同唐诗咏、陈山聪嘅“铁三角”组合再次集结，以佢哋一贯嘅炸裂演技同好口碑，仲有TVB对于警匪片拍摄手法嘅神级操作，呢部剧一定好有睇头。
