|
|
|
|
|
|
|
|
|
|
|
撚手饭堂（北京路店） 地址：越秀区北京路168号天河城5楼b502（原粤海仰忠汇） 营业时间：11:00-14:30；17:00-22:00 |
|
|
|
|
|
|
|
|
开记甜品（多宝店） 时间：13:00-23:30 地址：荔湾区多宝路318号 |
|
|
靓姐南宁蒲庙生榨米粉 地址：海珠区英华街242号 时间：08:00-20:30 |
|
|
|
|
|
|
|
|
|
|
|
|
|
|
竹升面 地址：海珠区前进路102-2号 时间：07:00-次日01:00 |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
王婷/文 味成年阿辉团队/图 重温儿时的味道 “撚手”喺粤语中就係拿手咁解，撚手饭堂最大招牌，当然係佢嘅拿手小菜啦！金沙咸蛋黄鸡翅，只只都披上金沙大衣！对半开的鸡翅除咗容易进食，仲便于咸蛋黄嘅无死角渗入。食完鸡翅剩下嘅咸蛋黄用嚟捞饭亦係一流！手工鱿鱼肉饼係童年时期外婆的味道，juicy嘅肉质鲜嫩，仲带有独特香气，颇似电饭煲蒸咸鱼的味道，斋食就偏咸一点，用作拌饭食用更佳！呢度嘅妈子靓汤都好正噶，每日唔同款，探店时记得嚟翻个“盲盒”例汤啦！ 撚手饭堂（北京路店） 地址：越秀区北京路168号天河城5楼b502（原粤海仰忠汇） 营业时间：11:00-14:30；17:00-22:00 甜品暖“粒粒” 玫瑰甜品，文明路上一间四四方方嘅店铺，有块小黑板写住每日推荐，为有选择困难症嘅朋友仔降低下单难度。招牌水牛奶系列首推凤凰蛋奶糊，新鲜水牛奶，为奶糊提供咗淡淡奶香同绵滑细腻嘅口感，热乎乎的奶糊食完后，成个人都暖笠笠。马蹄沙应该算係老广糖水嘅代表作啦，呢度啲马蹄沙少咗粒粒分明嘅感觉，不过就多咗几分细腻口感。“清爽版”杨枝甘露，几乎每台都点。虽然係“清爽版”，但用料十足，芒果肉大大粒，碗底係密密麻麻嘅西米，新鲜西柚肉发搭配啱啱好！ 玫瑰甜品 地址：越秀区文明路218号 营业时间：12:00-24:00 祖传配方yyds 开记甜品，係喺恒宝广场东南门嘅传统老广甜品店，红/绿豆沙、芝麻糊等老广地道糖水应有尽有。以前只有一层，而家开记换咗装潢，做多咗个小阁楼容纳更多嘅食客，不过甜品嘅味道仲係同以前一样！招牌绿豆沙由祖传四代配方配制，开记喺熬制绿豆沙时会加臭草（芸香草），令绿豆沙散发出独特香气。亦可以选择自由搭配，好似莲子、百合呢啲配料可以随时添加，为食客提供咗一个开放的选择。除咗糖水，椰丝“满面”嘅糯米糍都值得一试，浓郁的椰子香，呢种软糯浓香冇人可以抵挡！ 开记甜品（多宝店） 时间：13:00-23:30 地址：荔湾区多宝路318号 “酸爽”味上头 呢家铺深藏于东晓南一个小区里，门面唔起眼，但係内有“乾坤”！店内有一股独特嘅“馊馊的”香味，唔係食材唔够新鲜，而係米浆发酵带嚟嘅独特香气！唔单止带嚟“香味”，仲为米粉带嚟咗独特嘅口感。卤水猪大肠花肉米粉，係辉哥每次嚟都必点嘅，佢作为老广的一份子，对猪大肠真係冇一丝抵抗力；如果你很难得先嚟一次，咁不妨试下卤水杂锦米粉，一次满足多个愿望，都可以点埋一份紫菜双丸米粉，体验干捞生榨米粉嘅味道，仲会有碗双丸汤润下喉啵！ 靓姐南宁蒲庙生榨米粉 地址：海珠区英华街242号 时间：08:00-20:30 食面冇得弹 用得招牌产品嚟做店名，就知呢家店有料到！店铺空间同多数老字号差唔多，几张大圆桌，配上几盏大灯，简单明了嘅布局，虽然地方窄，但唔影响食客们食得津津有味。令辉哥食过翻寻味嘅係呢度嘅鲍鱼仔净云吞，每一粒云吞包住满满嘅酱汁，用料足，兼且鲍鱼仔又好新鲜。老细为咗兼顾各个年龄层食客嘅牙口情况，特登将猪大肠炖得非常软，即使係80岁高龄嘅老人家都可以轻松“挑战”。另外，呢度啲炸酱面都好正噶，加咗虾粉嘅炸酱，增添咗一份咸香嘅味道，啱啱开始食嘅时候可能有啲咸，但用嚟拌面就冇得弹啦！ 竹升面 地址：海珠区前进路102-2号 时间：07:00-次日01:00
