|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
前段时间，Color个friend胡芳芳趁住自己生日，就喺天娱广场同歌迷粉丝一起庆祝。难得有机会同大家喺线下相聚，佢仲请嚟林颐、大笨等唱得之人助阵，更携手苏志尹合唱全新作品《I love you，sorry》添。新嘅一年，芳芳希望有更多人可以听到佢嘅音乐，跟住Color一起进入芳芳嘅音乐世界啦！ 郭玮/文 受访者提供/图 生日会？live show！ 生日会喺《西江醉》嘅旋律中开启，充满岭南风味嘅小调勾魂入心，令现场观众如酒后微醺，如痴如醉；《不要墨尔本的翡翠》係芳芳嘅代表作之一，无论听几多次都觉得佢嘅声线迷人，令人心动；《总有你鼓励》係佢嘅心声……歌单上每一首作品都精心设计，因为好难得可以同大家喺线下相聚，芳芳希望俾到多啲反馈大家。作为生日会嘅最重头戏，芳芳请嚟2021年《中国好声音》学员苏志尹，合唱全新作品《I love you，sorry》。呢首几年前嘅作品，经过Andy嘅R&B改编之后，男女对唱更加扣人心弦。惊喜一浪接一浪，先有林颐惊喜现身，携手芳芳合唱《墨尔本的翡翠》将现场气氛推向高潮，前奏响起就係满满回忆杀；后有大笨受邀嚟到现场献唱《不该用情》，苏志尹特别献声嘅《巴斯光年》……如果唔係生日蛋糕登场，将气氛拉回现实，大家实以为自己去咗livehouse 睇音乐show。 希望更多人听到我嘅音乐 今年生日，有粉丝送上游戏机做礼物，点解？因为佢哋都知道芳芳实在太忙，根本冇时间休息，看在眼内痛在心中，希望忙里偷闲嘅一个小游戏可以帮佢relax一下；有粉丝知道芳芳最近学紧吉他，又专登准备咗粉色嘅吉他俾佢……有呢班一直陪伴自己嘅暖心粉丝，芳芳觉得自己好幸运。旧年希望世界和平嘅芳芳，今年都一样简单、直白，佢将自己嘅生日愿望share出嚟，希望大家都健健康康。虽然芳芳作为Color的美食体验官，平时会拍下美食vlog，但芳芳嘅重心仲係专注音乐，所以佢最“自私”嘅期待，就係希望有大家关注佢音乐方面嘅发展，更加希望大家可以多啲同佢留言互动，俾多啲意见同建议，令佢不断进步，成为更好的自己！ 《I love you，sorry》洒脱爱 讲返《I love you，sorry》，其实係芳芳几年前创作嘅原创作品，但係佢一直都觉得呢只歌有个R&B嘅灵魂。同苏志尹喺一次“饮咖啡”嘅场合结缘，芳芳睇中佢嘅才华，就将呢首有歌放心俾佢改编，出嚟嘅效果令佢好有惊喜。睇个歌名，你以为《I love you，sorry》係苦情歌？芳芳话，佢係表达一个人为爱放手嘅洒脱，既然爱已经无法再走落去，不如放手，各自安好。
