|
|
|
|
|
|
|
|
|
|
|
|
|
|
|
|
|
|
|
|
|
过完年返嚟，大家适应工作嘅节奏未？今年一于要做个精乖同事，做事稳重、老实，喺职场度先可以如鱼得水，多人钟意。千祈唔好成日抽水、蛇王、讲人是非……如果唔係，你就会成为神台猫屎——神憎鬼厌噶啦！ 陈祉伶/文、图 张梓璇、许晓乐/模特 鸣谢：辰美国际艺术教育 宜 担屎唔偷食 dam1 xi2 dou1 m4 teo1 xig6 “担屎唔偷食”形容人老实可靠，呢个就人人皆知，但若问到呢个俗语嘅典故就未必个个都知啦。关于呢句俗语嘅来源，其实都几众说纷纭。一係话以前用作肥料嘅粪水都要交公分配，有啲挑粪工会偷偷留下一部分，浇灌自家田地，而一心为公嘅老实人，就会被赞扬为“担屎唔偷食”。另一说法则指其真正主语係狗，同样係形容十分老实，唔贪心。 造句：阿辉一向都担屎唔偷食，由佢管账就最啱啦。 宜 定过抬油 ding6 guo3 toi4 yeo4 喺旧时，油係贵重物品嚟嘅，所以工人抬油时，都会小心翼翼，满满一缸油，一滴都不会泻出嚟，走得稳稳当当。抬油已经好稳阵，“定过抬油”即话比抬油仲要稳当添！所以呢个俗语就作为一个带有夸张修辞嘅形象说法，指某人由于有把握而显得镇静自若，係形容人从容淡定，做事唔急燥、冇差错嘅褒义词。 造句：小明平时模拟实操咗好多次，到真正比赛嘅时候佢实定过抬油，胜券在握啦！ 宜 大镬蒸餸，样样都熟 dai6 wog6 jing1 sung3,yêng6 yêng6 dou1 sug6 呢个係一句粤语歇后语，大镬指大铁锅，餸指菜肴。餐馆里嘅铁锅、蒸笼一般都好大只，火力够猛，可以将蒸鱼、蒸肉放埋一笼，到时一揭开锅，每一样菜都蒸到熟透。后来，呢句歇后语就用嚟比喻一个人一专多能，样样都识，或者係对每一种情况都好熟悉。 造句：呢位老师文化修养深厚，简直系大镬蒸餸，琴棋书画样样熟。 忌 督背脊 dug1 bui3 zég3 “督”喺呢句粤语谚语里面，係作动词用，等同普通话中嘅“戳”或者“杵”，被人用手指扎扎实实噉督一下，都几攞命噶！背脊原指背后的脊梁骨。整句话嘅意思就是戳人脊梁骨，有从背后偷偷施展攻势，在背后耍花招、中伤、告发、打小报告等行为。有啲地方，仲会用“金手指”嚟称呼嗰啲钟意在上司面前讲同事坏话嘅人。 造句：最憎佢金手指啊，成team人有边个未被佢督过背脊喔？ 忌 冇耳藤喼，靠托 mou5 yi5 teng4 gib1， kao3 top3 藤喼，係指用藤芯编织制成嘅行李箱，旧时比较风靡，宜家在民国戏或者解放前后嘅影视剧中都比较常见。冇耳藤喼，即冇做手提耳子嘅藤箱，所以只好用肩膀来托住走。而“托”，喺粤语中指托大脚、拍马屁，所以呢个俚语用嚟比喻一啲人专门依靠吹捧、拍马屁获取利益同地位。 造句：隔离组阿华成日擦老板鞋，谂住做冇耳藤喼，靠托上位啊？ 忌 打斧头 da2 fu2 teo4 广东老细有乜惊？迟到、蛇王、打斧头！“打斧头”指嘅係：代买东西或代办事情时，从中占便宜。关于呢个词嘅来源，有人话係同程咬金嘅兵器“三板斧”有关，因为程咬金名字里有“咬金”两个字，所以用此作为侵吞公款嘅代名词。另一说法则话，旧时打铁铺可以为顾客提供来料加工服务，打斧头时常常会用半块普通铁料替换半块好钢，别人亦睇唔出。 造句：你个衰仔叫你买餸居然都打斧头，今晚食自己啦！
