![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
追求美好生活嘅年轻人,化咗靓妆要影相记录,食咗好嘢又会打卡推荐,仪式感满满。试谂下,如果靓妆同美味crossover,靓样係咪会变得更“可口”咧?“瓜子”做面膜、“奶茶”味SPA、“糖葫芦”做唇膏。各种奇妙联动,令你眼动、心动、味蕾大动,一起“开餐”化妆啦! 郭玮/文 品牌官网/图 “以形补形”好帮手 “瓜子面口”一般就形容女仔样貌娟秀、下巴尖尖,虽然话“以形补形”係条大道理,但瓜子食得多,想keep住瓜子面就冇咩可能了。“洽洽香瓜子”就睇透咗呢班“想食又想靓”嘅朋友的小心思,同“米蓓尔”联手,推出咗“瓜子脸面膜”。呢款面膜从包装开始就“以形补形”,等你剥开“瓜子壳”就拥有靓面孔。虽然内外包装均“洽洽化”,但内里嘅面膜依然係品牌嘅爆款系列面膜,补水保湿效果一流。除咗呢款“瓜子脸面膜”之外 ,“小杨生煎”都用咗佢哋嘅招牌“生煎包”来包装面膜。上面嘅“葱花”粒粒分明,膜布仲好有心思咁设计成“小龙虾内馅”,敷起身可爱又搞笑。你估下敷“龙虾生煎包面膜”可以补咩形咧? 喜欢“唇”的甜 冰糖葫芦酸甜开胃,边个食落嘴都会心情靓靓。将美味糖葫芦同彩妆结合,係糖葫芦品牌“喜识”同“rom&nd”彩妆嘅甜蜜尝试。生津惹味嘅果子与色彩绚烂嘅唇釉,无论係外形定係“味道”都好啱key。唇釉亮泽水润嘅视觉效果,咁啱就似糖葫芦晶莹嘅冰糖皮;唔同成熟程度嘅“果实”,仲可以对应不同色号,每一口都juicy到晕。糖果嘅甜更係无可取缔嘅美味,“16brand“”同“士力架”联名打造嘅唇膏,唔单止颜色超甜,连香味都係糖味,每次用完都秒变sweet girl。同样都係糖果,“大白兔”同“美加净”都深谙联名潮玩之道,佢哋联名嘅润唇膏,牛奶嘅香甜同润滑都诠释到位,满满童年回忆唇上见。 “沉浸式”奶茶体验 奶茶就人见人爱,靓样就肯定车见车载啦。“喜茶”推出牛油果系列饮品嘅时候,大家排晒长龙,都只为一尝牛油果饮品嘅丝滑美味。而“科颜氏”旗下嘅牛油果系列护肤产品同样深得人心,于是“喜茶”同佢就联手共建“牛油果灵感加油站”。两大品牌嘅“牛油果”做咗联名,青啤啤嘅两款产品放埋一齐完全唔违和。同样係奶茶品牌嘅“乐乐茶”和宠物用品品牌“小壳”都成咗跨界大联盟。草莓酪酪、杨枝甘露、脏脏奶茶口味嘅动物SPA手套,免水帮小动物“冲凉”,无毒易干,话咁易就可拥有一只奶茶味嘅靓靓小宠。 CHOK爆“男人味” 讲到可口嘅“美味”,点少得“男人味”?粉嫩甜美男士可能好难hold得住,man爆嘅“狼队”足球俱乐部同“AHAVA”,携手推出男士劲爽控油护肤系列礼盒,令各位贪靓男士以“狼”之力,打造劲爽靓肤。佢嘅经典黑金配色充满男人味,一盒就可以完成所有护肤程序,啱晒怕麻烦嘅“男朋友”们。每个男仔嘅梦想“奥特曼”,就同“乐有石”一起,向男士送上实现梦想嘅“光”。联名系列嘅清洁露,喺洗白白嘅过程中,帮你注入“超人能量”,你中唔中意?