|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
广州华侨博物馆6月开门迎客，选址喺五仙门发电厂旧址——该厂始建于1901年，係华南地区最早的火力发电厂，佢2008年就被列为广州市级文物保护单位。呢度係广州目前唯一一间以历史建筑物为载体嘅博物馆，唔好以为呢度只有“老古董”，修茸整理过嘅文物，用别出心裁嘅方式呈现，仿佛令你回到广府华侨拼搏奋斗的旧时光。 郭玮/文 郭玮、广州华侨博物馆官方/图 瓷画“讲故事” 馆内分成唔同嘅专题展厅，向大家展示以“广州华侨华人与历史贡献”为主题嘅各种故事。博物馆内大部分嘅藏品，都由中国侨胞组织捐献，每件藏品都记载住捐赠者嘅珍贵故事。就好似馆内展出嘅清代市井风情粉彩瓷板画咁，係来自一位英国籍华人收藏家嘅藏品，一片片洁白嘅瓷片上，用鲜艳嘅色彩刻画出栩栩如生嘅劳动人民形象，佢哋或者係制作茶叶嘅采茶工，或者係叫卖小商品嘅街头小贩，或者是传统工艺嘅手工艺人……向大家述说“三百六十行，行行出状元”嘅深刻意义。有啲同类型嘅瓷板画仲会被安置係特制嘅场景置物架上，更具体地还原当年嘅劳动场景，无论过去几耐，呢啲瓷板画就好似一张张旧照片咁，记载数百年前市井嘅喧嚣同繁华，同海外侨胞浓浓嘅乡愁与思念。 旧物有真情 除咗专题瓷板画外，好多侨胞仲捐赠出富有年代感嘅生活物品与珍贵收藏。华侨商店专供品嘅购买凭票、特殊份额嘅粮票、布票，仲有从海外带回嘅时尚日化用品等等，好多我哋平时难得一见嘅“华侨专属”物件，就好似“讲解员”咁同大家诉说嗰个年代令人好奇嘅一切。近年来，海外侨胞与祖国嘅联系越发紧密，交流活动亦越来越频密，好多睇落好新净嘅展品，都係华侨同祖国联系来往嘅见证。哩啲新净展品，可能係厨师交流活动嘅制服，或者係海内外同胞互动嘅纪念品。尽管物件普通，但係其中嘅情谊却係海内外同胞一条心嘅体现。 实景传真意 馆内最有意思嘅係，设置咗好多真实场景，等大家可以沉浸式感受海外侨胞嘅生活。侨胞参与巴拿马运河修挖嘅情景、侨民回乡生活嘅环境、华侨农场耕种的画面、过去华人在海外唐人街开商店、登台演出中国传统艺术，或者係佢哋举办中式婚礼嘅侨胞嘅生活场景……博物馆通过蜡像与1:1嘅模拟实景还原。在这些场景影相，我哋就好似置身于旧时光，感受到侨胞们生活苦与乐。咪以为呢个地方只能够“眼看手勿动”，馆内仲有唔少可以互动打卡嘅游戏，你可以喺“出入境业务办理窗口”填写资料，办理一张自己专属嘅“出国护照”等，有趣又有意义。
