![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
“陀枪”竟然係为搞毛线?新兴起嘅Tufting手工艺,一键实现你的“陀枪”梦!用编织枪将毛线打入特制嘅网格底布上,突突突嘅“射击”带嚟无限减压的快感,抒发完情绪之后仲可以得到一件满满成就感嘅DIY工艺品,简直系快乐double上。你有压力吗?一起开“枪”减压啦! 郭玮/文 陈祉伶、秦丽莹/图 “专业枪手”教路 据介绍,Tufting源自海外,原本係一种工厂用嚟制作地毯嘅传统工艺,后来大家发现,色彩鲜艳嘅成品,通过拼接、装订等等组合,可以做成手袋、坐垫等实用物件,渐渐就变成普罗大众DIY嘅新选择。用编织枪打毛线嘅过程,会发出规律嘅声音,打击感强烈又畅快,好多人都觉得借此将压抑情绪痛快抒发,因此又受到好多急需减压的都市人所青睐。茵茹话,佢哋会留足空间俾客人发挥,亦会喺大家迷茫时及时相助,就係希望大家减压之余又要玩得开心,收获满满成就感! 为咗等大家对Tufting有更清晰的认知,Color特意搵到一家专营Tufting手作嘅工作室,请主理人为大家揭开呢门手工艺的神秘面纱。主理人茵茹嘅先生係一位美术生 ,两人第一次接触Tufting之后,就被减压又治愈嘅突突声深深吸引,加上呢项手艺又可以发挥到美术生嘅专长,所以佢哋就决定自己开翻间工作室,让更多人能体验到Tufting的快乐。 “开枪”时刻 1、描出边 选好心水嘅图案,老板会帮大家将图案投影到画布上,跟住要用彩笔大致勾画出轮廓备用。 2、选啱线 根据图案的色块,选取相应颜色嘅毛线,如果遇到色差,则尽量选择相近嘅配色或者随心创意搭配都OK。 3、穿好线 用穿针器将毛线穿入编织抢的针孔,切记每次穿线前,都要先关上电源开关,以免误触扳机整亲自己啵。 4、制图案 先勾勒出细节位,再填充大色块,操作时记紧要用力顶实画布,咁样走线会更直更结实,亦唔易漏针。 5、执手尾 主体图案编制后,就可以将舞台交俾老板“执手尾”啦:将多余画布裁走,修剪线头,背面涂胶待干透,最后仲要贴上底层无纺布底面。 6、成品 因为要等白乳胶干透,“执手尾”过程通常要视天气情况,可能等上一日或两三日不等,先可以收获到最终成品哦。 小心变“枪靶” 传统嘅Tufting技艺经过改良、简化之后,已经变成好易上手嘅悠闲手作啦。但依然要注意嘅係,尽管操作唔算复杂,但制作架撑“编织枪”有一定重量,而且佢嘅针头比较锋利,通电之后刺速快,仲有比较强烈的冲击力,所以操作嘅时候一定要多加小心。年纪太细嘅小朋友就唔建议单独操作,有大人陪同嘅情况下都可以尝试一下。老板特别提醒,长头发嘅朋友最好扎起头发,因为“打毛线”过程中,头发可能同毛线缠绕,或者容易勾到工具枪。为避免发生危险,大家都係做足准备功夫好啲啦! 织个毛毛·tufting·DIY 地址:荔湾区华贵路1号110 (距地铁长寿路站B口步行290m) 营业时间:周一至周日10:00-22:00 贴士:建议提前电话咨询预约